نعسان فززني الزلف

[الشاعر طلال علي الشمري]

نعسان فززني الزلف بأول شمس..
بجفوف نسمات الصبح بشفه كلش دافيه.
بحجاية وي ديرم عشگ
بس محترگ.
تقراه وي دكات الگلب
وطيش بيدة العافيه
وغطتني بجفوف ورسم
حنه وعطر..
قهوة صبح تزخ وفه من عيون كلش صافية. .
عصفور شفة على الحلگ
غرد لحن.
بمرود كحل طرز جفن
ورموش جانت حافية

غازلني وي طرة فجر ينثر عطر ينثر شكر. فرراني وي دورة خصر گعد
احلامي الجافيه...

رداني لايام الزغر من جنت اخلصه وي شعر. الليل اكتبه علئ الگمر بيدي على وجه القافيه..
وجاني حطبه بلا جمر بجه الگلب بجة الصبر. ورد بيه طف وي الامس وفزز النار الطافيه. ..
يادگه من ذاك الگلب كولي الصدگ.
احچلي هم طافج عشگ
لو بالعشگ متعافيه. .

ضوگ الفرح ياعني مو كافي الدمع.
وغير الدمع ياعني كولي شايفة ..

انسي المضه كليشي انطوه
راح وگضه
خلي روحي تركد بس تحط احلامي ذيج الطايفه. .

بقلم..
علاوي الشمري

[القلب الجريح]

الله عليك
اخي طلال وعلى روعة
حروفك

النابعة من احساس صادق

وجمال الشعر العراقي

تحياتي لعيونك

[العبوق]

بارك الله بكم
جزيتم خيرا

[العكيد]

دام التألق ... ودام عطاء قلمك
كل الشكر لهذا الإبداع
لك مني كل التقدير ...!!
وبآنتظار روائع جديدك بكل شوق...!
ارق التحآيآ لك
ودي وعبق وردي