وش بقى

[اسير الشوق]

اوسع خاطري وادري تضيق من الهموم صدور
وعسى الله مايطول ضيقة الخاطر على بالي


على كثر اتجاهات الوسيعه مالقيت اعبور
أشوف الكون بعيون الجريح وغربته جالي


على كثر المواجع والأسى ياحظي المعثور
أمني خاطري وأضحك من همومي على حالي


أخفي بعض مافيني وبعضي لاحكى معذور
مادام العمر ماوقف على حزني ولا اطلالي


أنا ماألوم أغصان الشجر لا ودعت عصفور
مادام العش ذكرى وش بقى للريح تغتالي


على حر المشاعر وش بقى يا صدري المهجور
نساك الود وعروقك جفاف(ن) مالها والي


تمادى الليل بعيون السهر يالخاطر المكسور
وأنا مملك من الماضي سوى همي وغربالي


مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي


يطول الصمت ماحرك على بيض النوايا سطور
و أنا مهما تناسيت الزمن لابد يطرالي

[غربة مشاعر]

ويش بقى

جمال حرفٌ وروعة معني
صح لسانك وعليت
نجومي وتقييمي
وترفع للتنبيهات

[العكيد]

دام التألق ... ودام عطاء قلمك
كل الشكر لهذا الإبداع
لك مني كل التقدير ...!!
وبآنتظار روائع جديدك بكل شوق...!
ارق التحآيآ لك
ودي وعبق وردي