ها حبيبي

[الوافي]

ها حبيبي شلونهه الروح علديك
بلكن احسن لو تمره بضحكتك
جانت بغيبوبه صدك من مشيت
وهسه راجع بيه عطر محبتك
ايام عدت والجرح مايوم طاب
وانت تدري سلوتي بس صورتك
الجفن ما نام من شافك بعيد
وعيني ما مره الوسن من عرفتك
المهم دحجيلي عن حبنه زمان
هم ترد ايامه بينه لشوفتك
مو مهم الصار بينه من مشيت
المهم كل يوم اروح لديرتك
بلكن اسمع خبر عنك ما اجيت
حتى ازوك روحي تحضر حفلتك
خل يفيدك هذا طبعك من جفيت
قاسي كلبك ما تغير حالتك
مو لان العين رمده وما تشوف
انت بالمنخل تطيح خشونتك
عذبت كلبين ماخفت العقاب
لكن اغفرلك حبيبي غيبتك
الضوجه مو خايف لان انهي الوصال
الضوجه منهو اللي ينشف دمعتك.
//حصري//

[ساندرا]

بين مواضيعكم نجد المتعة والجمال
قصيدة راااائعه
دمت بهذا التالق...

[رحيل]

اشعار حلوه
يعطيك العافيه
وسلمت أناملك على جمال طرحك
لك جنائن الورد وأصدق الود

[الملكة شهر زاد]

بوح ترنم بين السطور
حروف من عسجد النون تسلم الايادي على روعة الطرح المميز
لا حرمنا تواجدك
لروحك سلال الورد والياسمين

[معزوفه]

إنَتَقاء ثَري بالَذائَقة
جَمِيلْ ممَزوُج بعطر الورد
سَلِمتْ الأيَادي
ودَام عطَائَكـ