شخباااار قلبك اليوم

[احبك موت]

السلام عليكم و يسعد ربي كل أوقاتكم

اليوم جايب لكم موضوع انشاء الله يعجبكم هو

كل عضو / هـ يدخل و يقول ( شخبار قلبه اليوم )


❤️ - :55: - IMG_6667.JPG - ❣️
​

هذا الموضوع يمكن يكون نوع من الفضفضه مثلا :


هل قلبگ

{مرتاح}





{تعبان}




{مشتاق}


{ ولهـآن }


{متضايق}




{عشقان}



الــــــــــخ ...

أنـــــا أبـــدأ :firstimekiss:
[مــرتااح لاني موجوده بينكم ]

اتمنى الموضوع يعجبكم

وطمنونا على احوال قلوبكم
هههههه

[الوافي]

القلب
ينبض بالمحبة للجميع

[الوافي]

شكرا احبك موت على المساحة الجميلة
يعطيك العافيهـ

[بنت اليمن]

ماعليه خلاف

[نسيم الفجر]

تعبان

[الوافي]

استنارت بك امكنة القلب
واشرق به فجرا
غير ايل للزوال...

[الامير]

الحمدلله تمام..

[الوافي]

ضنون وترقب

[ابو خليفة]

في اجازه مؤقته

[الوافي]

انا في الجوار وقلبي ينظر من النافذه

[روح المسك]

مغلق للابد

[الوافي]

جميل حقا ان ترافقنا نسمات الليل
والاجمل ان يشرق القمر

[الجامحة]

نسمة عبير من غيمة
تمتزج برذاذ عليل يسعد قلب
ظ¬غلق من سنوات

[الوافي]

القلوب تفتح بتنهيدة عشق ساعة السحر

[الوافي]

الحياة يجب ان نعيشها بقلب مؤمن
بوصول الاهداف والايمان بقدرتها

[الجامحة]

قلبي لايزال مصدي من سنين


ههههه عجبتني كلمة مصدي

[الوافي]

مغلق للابد
https://1.top4top.net/p_125141q2b1.gif

[الوافي]

ربي يسعد قلبك

[الجامحة]

قلبي حزين فقد غاليه
ياويل قلبً صاده الود

[الوافي]

اخبار قلبي يسال عن صاحبة الموضوع
لا تتواجد كثيرا هههههه

[الجامحة]

قلبي. مرتاااح والحمدلله

[الوافي]

يقول القلب
سلالم الشك عندما تهبط
لا يرتقي بها الحب

[الجامحة]

القلب مرآة المحب
فالقلووب الصادقة
نبراس الحياة
فهيا ياقلب ارسم حدودك
لمن يستحقك بجدارة

[الوافي]

ساكن النبض

[الوافي]

اخبار قلبي
يحبهم موت

[الوافي]

قلبي يتذكركم
ويجمع اعواد اعشاشكم
ليتكم تعودون

[ملاك الروح]

لهفة وحنية وشوك وخوف بنفس الوقت

[الوافي]

غارق في بحر الحب

[ملاك الروح]

مجنون♡

[ملاك الروح]

يقولي حسام يمك ويشوفك ويحس بيج
الغي فكرة الوساوس وصيري بنية عاقله
😆😆😆

[ملاك الروح]

تأكد الرب خلقك لتؤمن هناك روح خلقت من أجلك كنت تراها في أحلامك وتسمع عنها بقصص العشاق أصبحت واقعك الذي لا تستغني عنه أنه ملاكي حسام

[جيفارا]

هدوووؤء نسبي

[ملاك الروح]

مشتاق لحسومي

[جيفارا]

اقتباس:

المشاركة الأصلية كتبت بواسطة ملاك الروح http://shrzad.com/shr4/buttons/viewpost.gif (http://shrzad.com/showthread.php?p=121813#post121813)




نايس حلوووووو





https://m.youtube.com/watch?v=iqUCuFseMao

[الوافي]

اخبار قلبي عندك

فما اخباره؟

[الوافي]

في مخاض حب
لا يتم الا بلقاء

[جيفارا]

ينبض بصمت

[الكابتن]

احبك بالثلاث

[الوافي]

احبك موت

[الوافي]

يسالني قلبي شبيه.. ما يدري بيمن
حط بالعقل حالات.. من حبه انجن

[الوافي]

كل يوم اموت
بحبك بس انت ولا تموت

[الوافي]

ما عندي شيء وياك بس ردت احبك
تقتلني من اتقول محجوزه عنك

[الملكة شهر زاد]

موجووووع

[الوافي]

بس مرة أريدك يوم بالكذب تسال
بالسكته اظل محتار .. يالقلبي محتل

[الوافي]

تبخل علي بالعيد ما عندي اهدوم

حطني على متنك شال وأنساني للدوم

[الوافي]

مايعرف ش مكتوب عند الحقيقه
بسرعه وكتب مكتوب كلمن طريقه

[الوافي]

اخبار القلب بالفيس عندك نشرته
وتسالني شنهو اخبار قلبي وعشرته

[السنونوه]

مرتاح والحمد لله ع القناعة

[الوافي]

لو كل قلب ينشاف وجه الحقيقي
جا كلت اسف حيل منك صديقي

[الوافي]

كله طشت وانت باقي
ضال تقتلني وتروح
ليش تسألني على قلبي
وانت تحسب بالجروح

[الوافي]

جاني القلب خطار توه وصحت بيه
كلما اقنعه ايقول مكدر اجافيه

[الوافي]

وانا بغلات الشوك بايعني قلبي
جيبه وتعال وياك واسكن بقربي

[الوافي]

يا قلبي من ذكروك سالوني عنك
د انشد قلبه وياك لو راح منك

[الوافي]

للفات من عنده فرض
نصليه قضى من يمنه
ويدعيلنه كون الحلو
ويانه لو خيمنه
والما يشمك يا قهر
محروم من الجنه

[اللحن الاسود]

لا استوعب سر غيابه

[الوافي]

ليس بحاجة للقمر
فقلبك ينير احلك ايامي ظلاما

[الوافي]

ذكرني كون وياك قلبي تعارك
بالغلط طاح عليك مره وتشابك

[الوافي]

كلبي عليك مثل الوطن خايف لا ينهبونك
اسكيك بدمع عيني واروى بنظرة عيونك
مثل هالبشر احلم بيك

لا غيرت فكري ولا شفت دونك

[الوافي]

عزيزة انتي وعلمودج احبهم
وذا انتي قريبه اهوى قربهم
عزيزة انتي ولجل عينج يعزون
نهاري عيد وبليلي كلبدون
متت مرتين وتحايه بالعيون

[د.عصام حسن احمد]

ينبض

[الوافي]

ماريدك اتروح وكلبي وياك
واحس تالي النبض يعرفنا عاذل
فوك اخدودي دمعه اصير وابجيك
يالشعرك على المتنين هادل

[الوافي]

الكلب عندك يساهي العين جيبه
ولا مرة اجاني وملاء جيبه
هديه لليحبه جاب جيبه
الك مني جبت احسن هديه

[الوافي]

كلتلك كلبي يمك لا اضيعه
شكد انطوني بيه بس ما ابيعه
اذا انت تريد اصير جناي
اخذه ولا تفكر بيه ارجعه

[الوافي]

كبل ما نكتب النبضات
نخجل نحط بيها اسمك
يمكن تحس بالحسرات
وبنص الكلب رسمك

[جيفارا]

ممدد

[الوافي]

منين كل هذا النبض
وشدعوه كلبك دافي
اسم الله لو كالو اجه
طاير اجيك وحافي

[جيفارا]

قلبي ينبض

[الوافي]

منين اجيب لكلبي عيد
وانت عيدي
وادري بهلالك بعيد
واجرع الحسرات كوه
والصبر ينطي المزيد

[الوافي]

هام الكلب والروح بيكم يالبعاد
ما خفتو كلبي بليل يختاله صياد

[الوافي]

بيك خيط من الشمس وبكلبي ومضه
خطوتك نبع المحبة وروحي رمضه
يالعشكت بدون صوت
هذا نبض الكلب ما جربت حظة؟
شكد كتبلك شكد مسحلك
ويامه سامك بالذهب
وانت اتسومه فضه

[الوافي]

دليني على كلبك ارد اعد نبضات
وافضحك بالفرق من نبضي لا تزعل
احبك يالدفنت العتب كل وياك
وكولن ما يهم من غيره يدلل؟

[الوافي]

من شدة كماطي لحد ثكل ممشاي
يدك كلبي عليك وما يدك بهداي
يالتذكر عشرتي من جنت وياك
ردتك بس الي وما ردت ايد وياي

[الوافي]

جنك كيفت من خذت كلبي وياك
عفتني بكل سهوله وغيرت حبك
ضمنت الفوز بيه وما تريد اتكول
كلبي من اخذته شلاعب بكلبك
جنه اثنين من نمشي بدرب واحد
يا وسفه عليك وغيرت دربك

[الوافي]

تدري الكلب ذمة وعندك يبات
وايام البرد حتما ترجفه
اعدله من الصبح لليل جيات
ومنعه يكول بس اوصلها ادفه

[الوافي]

يردونك شلع وانت كلب واحد
ما رادو مناصف.. كالو تعاند
روح ولا تزعلهم وحبهم موت
وصير الهم عزيمة وبيدهم ساعد

[زهر البرتقال]

.

متعبٌ قلبي ..
لا يهدأ .. و لا ينصفني !


.

[رحيل]

لا زال ينبض

[الوافي]

نكر كلبي ونكر حبي
وطلع من غير شارعنا
اكله ارجع انا شسويت
يكول الزعل مانعنا
عليمن زعلتك بسكوت
عنواني نحظر ما بقى بس ودنا
حسباله السبب اني
مايدري القدر حاقد وفرقنا

[زهر البرتقال]

.

ما زالت الامنيات تدغدغهُ رغم الاستحالة _


.

[الوافي]

ترى الحب الحقيقي بس الك باقي

قدمته على روحي وانتهى الموضوع
شجاني تغيرت بس كلبك الراقي
ونا عندي كلب ينبض وما مسموع
كلما سافرت ترجع الي عراقي
ابن ذيج الرصافه البين الضلوع

[الوافي]

كلبي قشمـــرني وهويت
ادوهنت مدري انعـــميت
بليل خلاني كمركم تيهيت
وتاه فكري بدل ما اضحك بجيت

[الوافي]

يالكلبك بحر واتمنى اغرك بيه
والغركان كالوا يدخل الجنه
ياريل العشك صيح بتوالي الليل
محتار بحبيبي شلون اندهنه
يغيب ويطلع وليلي بلايه انجوم
وحشه ولا محب غيره يسهرنه
زلال الشوك احنه وللعطش وياك
نتعنه الشفايف بلكي تشربنه

[عصي الدمع]

قلبي غاضب
من لدغة العقارب

[الوافي]

انطيتك هذا كلبي وكتلك اخذه وروح
شو رديت اليا وكلت ما اكدر

[الوافي]

راح اكول براحتك لمن تحب
ولا اكلك يوم رجعلي الكلب
هو نفس النفس عندك
عندي بفراكك صعب
والمسافه البيني بينك
مايلمه فراك لو صد ولعب
ادري كلبك مثل كلبي
يبجي سكته وينتحب
لمن تعوف وترجعك
ادنى جلمات العتب

[الوافي]

اخذو كلوبكم ماظلت كلوب
ولانبض البقى يستاهل انذوب
حملنا شكثر الام وجروح
مظلومين.. وانتم حملو اذنوب

[الوافي]

تظل مشكوله ذمتك عندك اسراري
ويظل كلبي بعهدك بايع وشاري
اطلبك عمر ضيعته بزعل وفراك
وتالي الموسم احصد سنبلك ذاري

[الوافي]

انت كلبك من حجر
وكليبي ماي
مروا يضحكون سكته

من حجيت انت بكفاي
ليش ما تدري الشماته
تريد تطفيلك ضواي

ولو تبده الماي يفضح
يدري هذا وتدري هاي
وحن محسودين ع الماكوعشكنه

حتى مامرة شربنه وياك شاي.

[الوافي]

روحي اطشرت من سمعتك جاي
من ذاك الزمان اتحبك هواي
بزودك سيطرت ع الكلب صوبين
ماخذ واهسي ومصادر الراي
غصن بستان جنك وانا نهران
ارشفنك عطش وارجع بلا ماي

[الوافي]

الكلب مامحتاج منك سلامات
رايدني انسى الراح والمرني وفات

[الوافي]

كلبي من رحت داويته مرتين
وهسه الثالثه مابيه مناعه
يا حاله الينام وجرحه يومين
وجرحي سنين وانت اتكول اشاعه

[الوافي]

قشمرو كلبي بضحكه وابتليت
متاني جيه ومحد يكلي اجيت
كافي مو لوعتو كلبي
احسب اجروح ونسيت
واكف اباب المحطة وبس افكر
يا درب ياخذني ليكم تيهيت!!

[الوافي]

اتراهن انا وياك وانطيني كلبك
ياهو اليموت بساع نبضي لو نبضك

[الوافي]

اتمنى بس باليل خل كلبي ينام
ومن الصبح للشوك اتحزم احزام

[رحيل]

قلبي الحمدلله

[الوافي]

عشت اسنين احبك
صارن ايام
ونسيت ايامهن
صارن دقايق
الكلب من جان عندك
دوم محتام
وهس الكلب
سجله اول مفارق

[الوافي]

مرة زين ومرة شين
هالكلب امنت عندج
وانتي طفلة شتعرفين
وينما يعلا الرشن تستانسين
كلبي مو لعبه اشتريتيها برخص
بلكي مني تستحين
والله ما توكف عليج وراح اكرهج
العذاب الشفته منج
راح يكفيني اسنين.

[الوافي]

ش جم ليله على ليله وانت شابع نوم
ونا كلبي عليكم منشلع كلبه

[الغرور]

القلب مرتاح

[الغرور]

................

[الوافي]

صار اسنين وانتي ماخذه كلبي
ما طلقوا ساراحه من سجن حبي؟

[الوافي]

عشرين عام وكلبي يمك بس ينام
شوكت طيفك يمر ويسلم سلام

[الوافي]

گلبي الوفي ما نسى.. ولا نسى الحنيه
ذر الملح عالگلب ..ما يلجم جروحه
يعلمنه طيب الصبر عالعالي منلوحه
مانفع بيه العسل يلحبه مرجوحه
ينسى المحب بالسفر ويذكره بالجيه

[الوافي]

مانريد گلوب تتعذب تعال
مو خطية العين تنتظرك هلال

[الوافي]

اعز من روحي كلبك شايله بكلبي
يا حسبة عمر خاويتني بدربي

[الوافي]

يناري الما جوت غيري جوتني
يجرحي الما لجم غيري لجمني
يكلبي شلون عافتني الهوتني

[الوافي]

((ترهقنا الحياة ويقتلنا السؤال .. فنسقط بيد من يبخلون بالاجابة))

[ساندرا]

بخير والحمدلله

[الوافي]

عزيزة انتي ولجل عينج يعزون
كل اللي اسئلن عنج بالعيون
مثل ماي النده لو ردتي تحجين
بساتين وورد كلهم يصيرون

[الوافي]

كلبي ماخله بشر يعتب عليه
يسال عليج ويجي ومحد يجيه

[الوافي]

انطيك نبض الكلب
تعتب عليه العين
وانطيك روحي وهلي
وميكفن الثنتين

[الوافي]

متاني بالغلط اسمعه منك يوم
اجيتك معتني والشوك جاباني
اصبر الروح وعيوني جفاها النوم
وابشرهم جذب بالحلم حاجاني

[الوافي]

لا ينكطع وابلاك كلبي بفرد بت
اربع خيوط وياك والباقي ع النت

[الوافي]

اني اكرهك موت ماريدك تجي
جنت احبك موت بس هسه حجي

[الوافي]

اجيت ملثم أبابك
ولا تسألني شنو تريد
ثكل دمعي البجيته عليك
حتى اليمي صار بعيد

[الوافي]

زكات النفس من تصبر وجرها
جمر نيران البكلبي وجرها
اريد المس طرف شفتك واجرها
وشيل ذنوبك اللي البيك بيه

[الوافي]

حبيت اذب روحي عليج
بلكن تسجليني محب
الكلب يسالني شبيج
من دون حب نبقى، صعب

[الوافي]

ضمني بليل المحبين
وحرسني برمش عينك
شحيحه افراح المايسين
لو صاح الفرح وينك.

[زهرة الوادي]

لا زال يعيش

[الوافي]

اتوجه على كلبك يالكلتلي انخاك
يالتعكس ضواها العين من عيناك
اسالك جم سنه الراحن بلايه اوداع
ي بلوه احسابهن حطيته وي بلواك.

[الوافي]

ناب القلم عن كلبي وكتباك
اضمْمن وين جلماتك وكتبك
اذا أسمعنا خبر حال الوكت بيك
نعزف كل مقام البيه شجيه

[الوافي]

على الطيبه ربينه دردشه وشات
زرعنه الوفى وما تعبت ادينه
ليش الحزن صار ينام ويبات
ويوم الفرح بس مره يجينه
اخذ كلبي الحنين اختبره مرات
واذا ما عاجبك رجع علينه.

[الوافي]

مُرّْ اَسرْ الدلال يالماخذ الروح
ماضل بعد بحشاي بس كومة اجروح

[الوافي]

حاسبينك من اهلنه وبكلبنه
شبدر منا ومن نلاكيك
تعبرنه.

[الوافي]

دثريني انا ارتجف
والضلع صابه البرد
لازم تجين نحَلف
ما مطيه غيري عهد

[الوافي]

تذكرني محاريك...
واحن لايام صحبتنه
واظل اتعثر بدربي
وألمِّلم كل كواغدنه
حجينا هنا.. كتبنا هنا
وعلى هذا الدرب مرة تعاتبنه

[الوافي]

كعدنه بسد بيادر شوك
عن الشمس غطتنه
رسمنا جفوف المعرسات
وبدينه نعجن الحنه
باجر من يمر العيد
وإتذكر مواقفنه
شكل للروح وانت ابعيد
لو كالتلي اتعنه؟:in-love:

[الوافي]

شحلاته الكلب من يضحك
ضحكته اصير عنوان
يشوف بوجهك مرايه
ويحس الشوك نهران

[الملكة شهر زاد]

تعجبني تلك التي..
" عانت " وضحكت.
" وتناست "
ودفنت كل ماضيها ،
وأحزانها ،
وأبتسمت ..
تعجبني تلك العنيدة
التي أتقنت ،
أخفاء اوجاعها ،
وتبسمت لتفرح الاخرين
وتبدو قويه..
لا تنكسر رغم وجود بركان بداخلها
تعجبني تلك العاشقة
للتمرد ،
الانيقه في ذاتها
التي تسرق من الحياة ،فرحتها..
رغم ان الدمع يكسوها
فتتراقص..
علي أنغام الامل لتثبت لكل من يعرفها
أنها أنثي شاردة لا تستسلم ولا يكسرها الخريف
فدائما ما تعود لتزهر من جديد لتثبت
بان شيخوخه القلب خرافة لا تعرفها
انثي تمردت علي نفسها .

[الوافي]

كبل جانت الدمعه بعين الايتام
حتى الرمش ما يعرف شبيها
وهسه لجيتك بس لازمه الباب
وانت تغيب عنها وما تجيها.

[الوافي]

اليوم كلبي بيك ينبض
وانت ادري بلا نبض
يا الهي شلون احبك
ولو تركتك للغُربْ
شنهي القبض؟

[الوافي]

نمت وتوسديت الگلب والنبضات
وغفيت ولا برد جلجل على متوني
وگول تعودلي واگضيها بالسكتات
ويحضنا الغرام الشافته عيوني:in-love:

[الوافي]

جم ليله الك من غبت وطيوفي ما ردن
وطير المهاجر اجه وكلبك ابد ما حن

[الوافي]

تتلاكة العيون وتشتعل نارين
من كثر الحنين تصيح مابيه
وشحال الكلب لو فكر بنبضين
نبض عنده ونبض اخباره مخفيه

[الوافي]

الكلب يسال وين يا حبي تبات
ما تدري بالحسرات انكطعن ومات؟

[الوافي]

تدريني احبك وانا احبك حيل
وأكو المجنون منك والسبب مجهول
أكو بحجة غياب يهملك وينساك
وأكو اليتعنا ليكم حتى لو مشغول
لا تِهتم أبد بللي يلوم عليك
وي النـاس خِلگـك خَـلَـة حيل إيطول
ولا تحرگ اعصابك لو حجوا بجفاك
ترة بـــارد گـلبهم .. گلبـك الـمشعول

[الوافي]

يمن دمي على جدمك
لو هدرته يحل
الگلب متعلم على الشوگ
واليشكي المصيبة يذل
گالولي الصبر للما يهم ربحان
يا هم الصبر يكتل.

[الوافي]

اسهر للصبح والگلب مامرتاح
تمر ابسكته يمي ومستحي جنك
تتونس براسي وانا وك متعوب
يافشلة السهره الخاليه منك
اعاين للگمر والگاه بس خيوط
جي شافك گمر وانهزم من يمك.:in-love: