ديوان شعر حصري** الشاعر عامر العراقي

[الشاعرعامرالعراقي]

يابحر..اهدأ لاتهج...حصرياا

يابحر..اهدأ لاتهج..
فقاربي..لايحتمل..
ممزق صارمه..
مثقب من جوفه
انهكه الترحال والتيار
اهدأ لاتهج
قد يغرق البحار

ابحرت...
ابحث عن سنيني القادمة
عن مامضى منذ عصور مظلمة
دوامة لاتنتهي
نفس العصور الماضية
عادت وجائت مظلمة
واحسرتي...ابيضت الاثنان..
الاسودان
ولازلت في عرض البحر تائه..
لامرسى يأويني
ولاراحة استجمع بها قيلولة لكاهلي
اتألم شوقا..ان ارجع
لكن الموت يناديني
هل حقا للغربة اركع
هل اسدل جفني فوق المد
وبجسدي جزء يتوجع
اتألم شوقا...ان ارجع

عامرالعراقي

[الشاعرعامرالعراقي]

لاتظن الهسة احبك



لاتظن الهسة احبك
ان بعض الظن اثم
وان بعض الاثم اكبر
من انزلة المستواك

جنت اعمى ومااشوفك
جان كل همي رضاك
هسة والله وداعة امي
لو تصير اجنازة ماامشي وراك

العشك مثل الروح
بس مرة تعيش
وانت كاتل بية روحي
وضنك اتنفس هواك

مرة راود بالي اردلك
كتلة يابالي امداك
عزتك خليها فوك
وابد لتباوع وراك

المالة اول مالة تالي
اليجرحك ممنون كلة
او لو شفت بشفافة روح
روحة ماترهم دواك

عيش وحدك بالكرامة
ولاتذلها النفس يوم
وابقى مجوي ولاتداوي
حتى لاتنسى الجواك

هو يزحفلك
لان طبعة الزحف
مرخص بذاتة
يم هذا وهذاك

هي مال دروب كلي ؟؟
دور المن مستواك
اولا تفكر يوم ارجع
حجاري شمرتة وراك


بقلمي
عامر العراقي

[الشاعرعامرالعراقي]

ميتوب كلبي

ميتوب كلبي وماقبل ينساهم
موطبعة ينسة اليوم جان وياهم

مغزر ملحهم بالجرح كل أأأه بية
تكول للموت ابقى اهواهم

عشكي صامت بيني وبيني فقط
مااسولف ماادور دروب بيها الكاهم

صعبة نرجع من جديد ابلا بعد
واحنة كونة الحياة ابلاهم

نرضة مانرضة افتركنة وللابد
عايشين ونستلذ لمن يمر طرواهم

حتى لو بالمر نجرعة وبي حلا
مرورة الذكرى عسل يم فركاهم

الها حوبة العشرة من حظ وبخت
واثنينهن ماعثرنهم يلا الله وياهم

بس شكول الكلبي من يشتاك طاري
هاك الصور واحفظ قياس اكفاهم

الدنيا ماوكفت على المنك يروح
اشبيهم هذولة الهسة انت وياهم؟؟


بقلمي
الشاعرعامرالعراقي

[الشاعرعامرالعراقي]

ليتها..بقلمي , وحصريا

ليتها..بقلمي وحصريا



ليتها...

ليتها..تشعر بما اشعر انا..
ليتها تهوى كما اهوى انا..
وكما اسهر والتاع الجفا
جبرا لكسري تلتفت الى الورى
وليتها ..وليتها... وليتها..

ياايها السيد..هل صارحتها؟؟؟
هل تجرأت وقلت لها اهواك
هل تقابلت عيناها في عيناك
هل مزقت بسهامها احشاك
حتى رجوت الله ان تهواك
بيني وبينك..؟؟
اذهب لها قبل ان تهدى
وردة او قطعة حلوى فتنساك

وتبتلي في عشقها اكثر
وتبتهل للرب ان يشفاك
كيف يكون العشق بالاوهام
او طيفها يمر بالاحلام
او انها تأتيك زحفا
تطلب الوئام
ياصاحبي قد ينحني القدر
لكن للاسف لاتنحني النساء

بقلمي

__
http://up.shrzad.com/do.php?img=337 (http://up.shrzad.com/)

[الشاعرعامرالعراقي]

http://up.shrzad.com/do.php?img=356 (http://up.shrzad.com/)
انسى..بقلمي

لست انسى..بقلمي

لست انسى
ان لي قلبا جريح...لست انسى
أن لي حبا على المنحر ذبيح
لست انسى...!!!

انتي ياسيدة عمري
كنتي منبر لتراتيل صلاتي
كنت اشدوا لكي شعرا
مال شعري لم يكن جد فصيح
لست انسى...!!!

اتكونين نسيتي كم تألمت لاجلك
وأنا اغتال دمعي
كلما قلتي أحبك
ام ان قلبي كالغنائم
والطعن فيه مستبيح
لست انسى...!!!

كم من الاهات يوما
مزقت صدري لتخرج
وليالي السهد طالت
أملا في الغد تفرج
لست أنسى...!!!

وعذابي وانيني واحتدام الشوق
في صمتي
وفي قلبي وعيني
ومراكب عشقي تغرق
وزهور الياسميني
لست انسى...!!!

أنك اليوم نسيتي كل عهد
ونحرتي الدمع بحرا
في جبيني
وأنا اهديت قلبا
مات صبا في حنيني
لست انسى...!!!

انك اليوم قتلتي عشقنا
فسلاما يادموع العاشقين
اذبحوا الورد ابتهالا
واحرقو ا الاغصان في رحم السنين
مات حبي... مات قلبي
مات في صمت ... عشق الاف السنين
لاحبيبي... لست انسى

الشاعر
عامر العراقي

http://up.shrzad.com/do.php?img=357 (http://up.shrzad.com/)

[الشاعرعامرالعراقي]

http://www.hamasatdamad.com/upload/uploads/13582794625.gif
http://www.hamasatdamad.com/upload/uploads/13582802141.gif
علي/حصريااا

امس رنت علي/حصريااا

امس رنت علي/حصريااا

امس رنت علي
وبالهفة رديت
امس بعد انتضار سنين
دكت مو انة الدكيت
بحجة كبرياء وهالحجي
سويت نفسي انسيت
وانة تمثال الرصافي
مل وكفتة واني مامليت
امس ماردت ارد
زعلان بصراحة وصدك مارديت
وماكملت الرنة سكت
غمة شجاك وبالعجل سكتيت
صدك ضل بالي
تدروني احب بلمح البصر حنيت
كلت اني اتصل وشوف
المهم..دكيت
فتحت خط على
كالت الو واني بألو رديت
مساءالخير كتلها
كالت اسفة بالغلط دكيت
اممم مو اشكال بيباي
بس امن الفشل بهدومي غطيت
مدري شلون غلطت
ومن غلطت بأسمي حست شحسيت
يعني شكاتبة اسمي وبالغلط دكت
صدكوني امس من القهر طكيت
مثل طكت الفشك بالحرب طكيت
من دكت كلت ياناس طكيت
حسبالي صدك حنت علية

عامر العراقي





http://www.hamasatdamad.com/upload/uploads/13582802141.gif
http://www.hamasatdamad.com/upload/uploads/13582794625.gif

[الشاعرعامرالعراقي]

*********
https://storage.googleapis.com/rqiim-storage/5b436a1ef4e5e600113dd288.b4452620bd3f6df 00c0ac662.png

امواج الدمع


امواج دمعي في عيوني تلاطمت
يوم السقوط على اعتاب احبابي

وطيور حوم على جثتي حامت
عند رحيلها تجمعت اسراب

أحزان صمتي بالرحيل تعاقبت
سهر ودمع وانهيار شبابي

وأنا المتيم بزهرة الجانيت
وسناريا بالحب لم تطرقلي ابوابي

تلعثمت في داء حتى انفجار مرارتي
وفي يوم الزفاف بصمت غيابي

الا ويحك ايها العشق تهاترت
علي انياب الزمان غضابي

شربت كأس المر بعدك جرعة
حتى الثمالة وطاب لي الشراب

وهديتي يوم الزفاف تقطعت
من قلبي قلب فأرسلت بكتابي

وحبيبتي التي بالرموش تدثرت
اليوم تختار وسادة الاغرابي

عجبت لدهر به الزهور تطأطأت
للشوك وقد مرغها بترابي

فملئ السنابل بالتواضع انحنت
والفارغات رؤوسهن شوامخا وتهابي

فياحبيبتي عليك اليوم أسدلت
ستارة حبي وأجهل الاسبابي

كوني سعيدة فهذه دعوتي
وأنا جريحك قد رضيت عذابي


بقلمي
الشاعرعامرالعراقي

[الشاعرعامرالعراقي]

https://fbcdn-sphotos-h-a.akamaihd.net/hphotos-ak-ash3/t1/p403x403/1794663_1401985856721975_762736162_n.jpg


____
http://up.shrzad.com/do.php?img=417 (http://up.shrzad.com/)
***

مقبرة دجلة//الم العراق


ربطنة اسمج اوية الاموات
وكلمن فقد خلة يطلبج ثارة

كليلي بعد يادجلة شنسميج؟؟
دجلة سبايكر لو دجلة عبارة

اجمل ماملكنة بطلقتج ماتوا
هذا يامضيف الكتل خطارة

مثل ام الشهيد تروح يوم العيد
موتفرح تذب دموع هدارة

وانتي بعيد الاخضر لليفرحون
كلبتي الفرحة بيهم شد الوزارة

بعد نسكت لان عنوانة خرسان
واحنة اول جبان اليقبل بنارة

ولان خرسان كلشي يرهم ويانا
ولحمنة اشكد حلو مشابك الكنارة

يكصابين...
بسها بطونكم ماشبعت امن الموت
باجر في جهنم ناس وحجارة

اخذتوا فلوسنة والنفط والكيعان
واخذتوا احلى الشباب وزينة الحارة

وخربتوا البلد بمحاصصة غمان
وخليتوا حربنا الجار وي جارة

خزيتونة والله والحجي شيفيد
وياهو البالعراق اليسلم بدارة

العبوا بكيفكم وخل يزعل اليزعل
شعب كلة نثاية وانتم اكبارة

بس هي المراجل حدها يم عباس
اجيبة منين هسة وياخذ بثارة

عليكم عار كل اللي يموتون
الوطن مبخوت احسبوا احساب للشارة

واذكركم اباجر من تموتون
موت اللي مثلكم مالهم جارة

الوطن عنوان شامخ للتواريخ
اجيال الكبلنة نقلت اخبارة

مايرحم عدو دك للحرب بوق
ويكرم حيل شعبي بناس خطارة


بألمي والم العراق
اعزي نفسي اولا وثانيا وعاشرا
عامرالعراقي








http://al-lasla.net/vb/image.php?u=115&dateline=1364970627

[الشاعرعامرالعراقي]

http://up.shrzad.com/do.php?img=479 (http://up.shrzad.com/)




وَيَهمُسُ قَلبْي

بَعضَ الشِعِرِ اُحياناً

وَاحيانًا

يُدَوِنُ بَينَ السَطْرِ واَلاُخَر

وَيَحكْي قِصَةً

كانتْ ولازالَتْ

عَلى قلبٍ شَغوفٍ

مُلَتهِبْ ثائِر

يُعَذَبُ في هَوى صمتٍ

بِحُبٍ باِردٍ جائْر

يَقُولُ الحُبُ سَيدَتْي

كـشُعلَتُ نار

وَأنْتِي بَحْرَ عِشقٍ

عاليَ التَيارْ

أُحاكيكِ بحلمٍ او بِهَمس

يَنفي واقِعَ الأَقدار

عَذابْات الحَنينِ لَهيبْ

لعينٍ تَرقُب الأسوار

حروباً بينَ اوصالي

ولانَصرنأً على الاَسفار

وَخيطَ عناكِبَ الأَملِ

تُقطِعُهُ نيابَ الدار

وبينَ جدارٍ يحمل الذكرى

وبينَ وعودٍ الف جِدار

لازالَ احتساءُ الخَمر

بعشقٍ يُثمِلَ الخمار

ولازِلتُ بأقلامي

أُدوِنُ عِشقَنا أشعار

وَيَهمُسُ قَلبْي أحياناً

وأحيانا تَهمُس الأَقدار

http://up.shrzad.com/do.php?img=480 (http://up.shrzad.com/)



بقلمي

عامرالعراقي






http://img-fotki.yandex.ru/get/6503/39663434.17e/0_774fc_c255c04_L.jpg

[الشاعرعامرالعراقي]

أمي

http://up.shrzad.com/do.php?img=515 (http://up.shrzad.com/)

عندي ام..
وراحت امن ايدية امي
عصرت ايدي
وجنها وصتني وصية

ماحجت ماتت بسرعة وافتهمت اشكالت امي
تحبني حيل وامي وصتني علية
يمة ضل بكلب الابيض
يمة حب الناس كلها
يمة لتخليني اخاف
اعليك مشيت الزجية
لاتعاشر ياهو البوجهك ضحك
الطعنة من غدار اقوة امن القوية
ويمة ماوصيك بعد بخوتك
ابلا اخوتك يمة تبقة ابلا تجية
وهاي يمة اخر وصية..لو متت
اشبكني حيل وخلي عطرك كلة بية
الكبر وحشة وغربة يمة
وانة تدري اشتاكلك شنهي المنية
وماتت امي ...
وماتت امي بحضن ايدي
ودمعي صب غصبن علية
الجنة ..الجنة جانت بيدي لكن
راحت الجنة امن ادية
المالة ام موبس يتيم
للاسف مالة هوية

http://up.shrzad.com/do.php?img=514 (http://up.shrzad.com/)

عامر العراقي

[الشاعرعامرالعراقي]

اهداء خااص لمعذبتي
شابكها وتكلي اكرب علية

انا المجنون والمجنني هي
ملاك امن السما ونزلت علية

تدفيني بحضنهاوتغركني بوطنها
تعرف اني الها واعرفها الية

اشم من جوة اذنها العطر اشكال
واداعبها اذا وكعت بدية

الخدر بعيونها وي نار الانفاس
وشفايفها بحر يرويني مية

وحدر ركبتها يتمايل التفاح
اذا عضينة تصرخ للمنية

على اوسادتها تفرش احلى الورود
وتغطيني بحنان وجاذبية

انوثتها احتلال الكلشي حواء
وانا البركان يمها يثور بية

من ادني عليها اتهيج الجبال
اسكيها وترد عطشانة الية

وتحطني حطب يم عود شخاط
اوج ماانطفي واجويها هية

وشكد ماجويت اتكول اشاه
بردانة وترد اتلفها ادية

اشكد حلوة المحنة اوية المجانين
شابكها وتكلي اكرب علية

بقلمي
عامرالعراقي

[الشاعرعامرالعراقي]

.

.





http://s02.arab.sh/i/00125/h389suz9yaa4.gif

http://up.shrzad.com/do.php?img=571 (http://up.shrzad.com/)

قلم واوراق ...!!
وخيال معتق
وبقايا قلب ممزق
تلك مخلفات حبك
التي امتلكها الان
لست غنيا بما فيه الكفاية
فلم تورثني شيئاً ياحبيبي
سوى الدموع
سوى الدموع
وها هي جفت
من كثر نزفها خلفك
حبيبتي...!!
في ذات يوم من الايام
كانت حبيبتي تجلس بجانبي
كنا نتهامس العشق
وكانت يدي على كتفها
ورأسها منحني قليلا على صدري
ويدي الاخرى ممدودة على رجلي
وكانت تمارس لعبتها
على خطوط كفي
وجائت نسمة هواء
داعبت خصلات شعرها
فرمت ببعضهن على وجهي
كانت تحاول سحب شعرها مني
فمنعتها ومسكت يدها
وحذرتها ان تفعلها ثانيا
لاني اصبحت في ذروة مااحلم به
واعلم انها لحظة العمر
التي لن تتكرر
فرفعت رأسها عني
ونظرت الى عيوني
وداعبها الهواء مرة اخرى
فرمى بشعرها على وجهها
فلمسته
بسبباتي والوسطى وازحته عنها بهدوء
فشعرت بانها تغفو
وتقترب مني أكثر
ارتجف قلبي ولعاً
واقتربت منها...!!
وارتمت بين احضاني
ارتفع صوت انفاسنا
وشفاهنا تكاد تتعانق
رأيت خدودها وهي تحمر خجلا
اسدلت جفونها وعم الصمت بيننا
شممت رائحة الاحمر بشفاهها
احسست ببرودة في كل انحاء جسدي
وسلمت قوتي الى ضعفي
واقتربت لأبادلها الشعور
وحين لامست تلك الشفاه المرتجفة
أأأأه...؟؟؟
رن منبه الساعة
معلنا بداية الصباح
ياخيبتي...!!
كان حلماً
ليتني لم اصحوا منه
ولو لدقيقة اخرى
ليتني بقيت احلم
ليتني..!!
ليتني..!!
ليتني..!!

http://up.shrzad.com/do.php?img=572 (http://up.shrzad.com/)

بقلمي
عامرالعراقي



.
.

[الشاعرعامرالعراقي]

بعد مارافك صديقي الباعني


الجنت اسامحهم كبل من مستحاي
مني ماخجلوا ويحجون بكفاي
ولان طيب كلبي اتحمل وضم
وحتى بالكونة اضمنهم وراي
ولان حاميهم يطعنوني غدر
عفية كصة الوشلت مابيها ماي
الثقة بالنفس خصلة وزحمة
احط الخصلة بالمو مستواي
بعد مارافك صديقي الباعني
ارضي نفسي وماادور بس رضاي
اني اداوي جروحهم وبكلبي نار
ومن عزتهم للاسف شحوا دواي
الله ليعوزني الهم زحمة من اخلاقي
انزل وانة المعلي بسماي
انكسرت وماثنيت وراسي فوكالعيب
عالوطالي راسة وماكدر يكسب رضاي
مدري ليش استحلوا الفشلة ورضوا
وتأقلموا عاللاشعور او لاابالي ولاسواي
اتكبروا مدري طغوا مدري غرور
المهم مهما يكن ضلوا وراي
وتعلمت منهم درس باللاشعور
ومن دستهم ماهيست اليم حذاي


بقلمي
عامر العراقي

[الشاعرعامرالعراقي]

http://up.shrzad.com/do.php?img=802 (http://up.shrzad.com/)

مرايتي...بقلمي حصريا

اليحب يتعدة كل خطوط حمرة
ويحس بثلج وبأيدة جمرة
يسهر للينامون ويكتب للميقرون
وغنيهم من يحب تشوف فقرة
شفت بمرايتي ذبلانة العيون
محدب والوكت كاسرلة ظهرة
بالاول ماعرفتة هواي كبران
وعرفتة من بياض الصبغ شعرة
كتلة شبيك شو متغير هواي
ماردلي اضن خلصان عمرة
وكام يمتمت ويهذي بخرافات
وعرفت السالفة الكسرتلة ظهرة
الوفي من ينجرح للموت ميطيب
شيطيبة اذا بالكلب كسرة
وانة مرايتي بيها حجي هواي
مغطيها اريد الجرحي استرة
شستر موفضحني الشيب بالعين
لو بالراس جان اصبغ وغيرة
جان ارتاح من كل السؤالات
حتى بضحكتي يفسروها حسرة
اذا اتكلم يكولون مجنون
واذا اسكت الشامت سيفة نظرة
مذبوح انة كلشي محير وياي
لان ملوحتة بجروحي غزرة
طبع دلة انتجي اعلة الجمر مرتاح
ويدوروني رغم كهوتي المرة
عشت محبوب بين اللي يكرهون
واني اقرة بكلبهم نار صفرة
المهم ضحكولي ماهمني شيضمون
البشر بخلاقة مو بشكثر عمرة
وخانوني لان ماعدهم اخلاق
وساترهم لان اخلاقي سترة

بقلمي
عامرالعراقي

[الشاعرعامرالعراقي]

جف المسامح..بقلمي

جف المسامح كطعتة امن الجتاف

لايرف كلبي وامدنة بصلح


لان كل مامدة يمسح دمعتك

يرجعلي جفي وبي جرح


وانت تفرح لو يمربية الحزن

وفوك جرحي بيدك تحط الملح


صار كوم اسنين احبك ماحجيت

وبدقيقة تبيع حبي وينفضح


ياما خليت الصدر لجلك درع

وانت شوف بظهري زارع جم رمح


وياما دفيتك انة بحب وحنان

وانت كلمة عشك منك ماتصح


ثاري كاعك بور ابد ماتنزرع

مايخضر ورد يم كاع الملح


بعد يطلع منك هواية كلام

الاناء انت وبعد انضح نضح


هية قصة عشك خربت من زمان

وقصتي وياك ابد ماتنصلح


انت موتعرف انة بطبعي جبل

ليش تجرحني اذا بعدك سفح


ردت تلعب بية ومناطرني اطيح

شفتة شيسوي الجبل من ينبطح؟؟؟


بقلمي
الشاعر عامر العراقي

[الشاعرعامرالعراقي]

اشكد صعبة انتي


اشكد صعبة انتي واني اهواج
لان اقراج مابين الفراغات

ولان انتي بعيدة اشتاكلج دوم
وطول الليل اتحمل عذاباات

اشوفج في خيالي ويهدأ والبال
وارسمج في قصيدة وكلها قفشات

ضوة عيوني العمن من رحتي لليوم
كد ماراقبن بعد المسافات

على خيط الامل صبرت الانفاس
وعشت مخنوك حي بنص الامواات

هم باجر ترد وتكلي حنيت؟؟
هم تزلك جذب وبحضني اتبات

وارد اسمع همس والناس نيام
وخاف اعليك كل كلمة سلامات

بحلم عايش وكل احلامي انت
اخاف امن الحلم اصحى حرامات

احسك مو بحضني غير انجن
ولك كلي احبك انت حسبات

حسبة عيونك وحسبة سوالفك
طولك وشعرك حتى الاكلات

حتى العركة من تزعل وراضيك
حتى الغزل مالك بي ملذات

وانا نفسي دنية تشتهي الكاك
مثل عيوني ماتشبع بنظرات

منو مثلي يحبك قيسة بالعين
يشوف العيب ويغطي المعيبات

اليحب لو اعمى لو ميشوف
اقصد صعبة واني ابن المهمات

راح ابقى احبج لحد متلينين
حلوة الصعبة ماتشبه السهلات

وانا صاعد نخل كل البساتين
ماتصعب علي صعدة العيطات

اجمل ماشفت بعيوني من الكون
حبي بس الج مابدلة هيهات


عامر العراقي

[الوافي]

هويتج وانه طالب علم بالشوك
وخفت من الرسوب وربعي يحجون
كالولي صعب حب عشرة النوك
كلت خلوني اجرب لا تعرضون
وانتي ما حسبتي بكلبي محروك
حسبتيني رقم وي اليرسبون

الله عليك اخي عامر
اشواقك امطار ربيعية
تنثرها بصحراء الحبيب
وتامل ان تعود حقولها بالعشق الوفير
ونتمنى لك ذلك مع المحبة الدائمة
والجوري لروحك العابقة بالمشاعر

ينسخ الموضوع مع التقدير

[الشاعرعامرالعراقي]

اكبال عيني..

اكبال عيني.. تمشي وتروح وتجي
وكاظ الساني الخجل مابية اصيح

احضن بخطوات جدمك من تمر
ومن بعيد يجيبلي عطرك الريح

اتلوة مدري شبية واتلعثم خجل
موش بلساني ذبح كلي ذبيح

ومرات وي روحي اناقش قصتك
واترادد اوياية اشوكت راح استريح

اشوكت راح احجي الصراحة
ويعرف بحبة انا كلش صريح

واعترفلة بعشكي وباليل السهر
ويرتاح بيه بداخلي المامستريح

كلب ام بداخلي خايف عليك
وخاف اخسرك خاف اضل بعدك جريح

كلب واحد عندي ماجرب يحب
ومابايح الغيرك حتى اعرف ابيح

انة سر الناس كلها تدري بي
ومامخلي احساسي عالفارغ يطيح

انت لو مابية عايش مااعيش
وخل اصير وياك هالمرة صريح

اني كلي اغلاط عايش بالغلط
ولان انت بداخلي عايش صحيح

بقلمي
عامرالعراقي

[الشاعرعامرالعراقي]

لتتجاهل مشاعر...

لتتجاهل مشاعر بس الك تنكال
الحب الحقيقي امن الكلب يطلع

وانة وكلبي مانختلف بالراي
صدرلي امر بس يمك واكطع

احس بروحي طاير من تمرني
وعسل طعمك بحلكي وانت مر ني
مثل جندي اوية ضابط من تمرني
انفذلك امر واخذ تحية
اموتن الف موتة وانتحية
كل لدغاتي منك وانت حية
وانسى الصار كلة من تمرني


بقلمي
عامر العراقي

[الشاعرعامرالعراقي]

عشرتهم مثل خشبة وبسامير

واتوسد جنح فراشة مكسور
لايرهم غطة ولايرهم يطير

وانة كلش تعبت بهاي دنياي
يوسف خووتة الذبوه بالبير

الحمى امن الرجل ماتجي امن بعيد
احتار واكل البالي لتحير

هذولة القربتهم ردهم ابعاد
ميفيدون مايحتاج تفسير

اللبالة بطن مايشبع اخلاق
طبع حيوان مايرهملة تغيير

يعض ايدك اذا مديتها هواي
واذا تندار ينبح عود تحذير

يعمي ابلا قدر هالناس اشباح
هم شايف شبح يرهملة تقدير

تعبت استنكي منهم وارد غلطان
وعشرتهم مثل خشبة وبسامير

مصالح لو طمع لو مايماشوك
واذا جيبك فرغ اقربهم يطير

لهنا وانتهت عشرة الوجهين
طز بالمثلهم واليصير يصير

اعيش الوحدي بس البال مرتااح
ولااندم على ذولة المكاسير


بقلمي
عامر العراقي

[الشاعرعامرالعراقي]

دمـــــ ـالــــورد ــــــوع





وردتي البيضاء باتت ذابلة
حين ماتت..!!
اصبح الورد حزينا
ودموع الورد
امست هاطلة

كيف يموت الورد؟؟
والعبق يفوح..!!
والورد بالاشواك يجرح قاتلة..!!

انني اوهمت نفسي
انك لستي معي
سيدة روحي
انتي فيها الفاضلة..!!

عبقك يبقي وجودي
في منامي
انتي دوما ماثلة

بالامس كنا معا
في شفاك
شفتي كانت ثاملة

مجنونة كنتي
تدعين العقل
بين المجانين صفات عاقلة

امن العدل رحيلك
ام ان اقداري
بهجرك عادلة


اهكذا كنتي .. تريدين الهوى؟؟؟
وحبك..!!
حب القتيل لقاتلة..!!!

أني احبك.. وأحبك ... وأحبك
أنتي يامعشوقتي
لكنك لازلتي ياسدتي
بالعشق ..
جدا جاهلة

بقلمي
عامرالعراقي

[الشاعرعامرالعراقي]

شفة عالشفة


طحت كلش بموتة وابد ماحسيت
من حطت السمرة حمرة عالشفة

للانعاش ودوني بخطر حالي
وكل شوية من غرفة الى غرفة

احتاروا بية اهل الطب
كالوا للاسف مسكين مايشفة

ومن شافوها كالوا يمكن يطيب
اذا قبلت السمرة بشفة عالشفة

واذا قبلت حضنها يصير مدفاي
وبحجة مريض وعالصدر اغفة

واشاكسها وعلاجي تصير وارتاح
وعسى نور الشمس يم الحضن يطفة

وصفوها الي مصيوب بالداي
ومايرهم العلتي غير هالوصفة

مسودني عشكها السمرة شعلة نار
اذا وكفتلي ابد ماانسة هالوكفة

ويضل دين بركبتي لحد ماموت
كون الموتة ترهم شفة عالشفة


بقلمي
عامر العراقي

[الشاعرعامرالعراقي]

شفة عالشفة


طحت كلش بموتة وابد ماحسيت
من حطت السمرة حمرة عالشفة

للانعاش ودوني بخطر حالي
وكل شوية من غرفة الى غرفة

احتاروا بية اهل الطب
كالوا للاسف مسكين مايشفة

ومن شافوها كالوا يمكن يطيب
اذا قبلت السمرة بشفة عالشفة

واذا قبلت حضنها يصير مدفاي
وبحجة مريض وعالصدر اغفة

واشاكسها وعلاجي تصير وارتاح
وعسى نور الشمس يم الحضن يطفة

وصفوها الي مصيوب بالداي
ومايرهم العلتي غير هالوصفة

مسودني عشكها السمرة شعلة نار
اذا وكفتلي ابد ماانسة هالوكفة

ويضل دين بركبتي لحد ماموت
كون الموتة ترهم شفة عالشفة


بقلمي
عامر العراقي

[الشاعرعامرالعراقي]

المو مالتي


المو مالتي احساسها كلة الي
ومااسمح الاحد يجي يم بالها
راح ادك رجلي وشوف اليقترب
رجلة اكسرها اليدوس اخيلها
البيها احلم ام ابني تصير
تصير امي واني كل اطفالها
الطيبون للطيبات مو اني الكلت
اقروها بالقرأن الله الكالها
واني ماادفر نعمتي البالحلال
كون بس تقبل امر ابالها
واصير فارس بالحلم راكب فرس
هي مهرة وتعشك بخيالها
هاي بت كلبي العشكها ابلا حدود
الاغار اعليها من اظلالها
مثل وردة مفتحة بموسم ربيع
والنحل فتان عني اوشالها
بمملكة النحل الملكة اطير
وكل النحل طاير يريد اوصالها
وكبرياء الملكة الا البطل
وبس فارس يطب عينها ويحلالها
يعني بعد شلون اوضح قصتي
يومية من جوف الكلب اقرالها
عافيتي هية الغيرها مالي احد
اشحدة يمها اليوصل ويدنالها

الشاعر
عامرالعراقي

[الشاعرعامرالعراقي]

http://up.shrzad.com/do.php?img=1558 (http://up.shrzad.com/)



ماحبك بعد/بقلمي حصررريا

ماحبك بعد

ماحبك بعد..لاحب اسولف بيك

وانسى انك سمعت بيوم
احساسي

شيجب العشك بس دوخة

الراس

وانة مقرر اشيل العشك من
راسي

تعبت احجي واذانك بيها صم

اتراب

ويسألونك علي وتكولهم
ناسيي

اذا ناسيني ليش اتعذب البال

وليش انت بغيابك تخنك
انفاسي

وليش تنام واني اسهر

وشيطان العشك يلعب
بوهواسي

وليش تسولف اوية الناس

ماتحسب حسابك تجرح
احساسي

انة مخبل عشك ماريدك الغيري

تصد لو بالرمش يذبحني
نوماسي

مومسألة غيرة المسألة انباك

نضراتك تخصني مثل كلبي
والجلمود البراسي


عبالك هية سهلة الواحد يغار

تحب تشوف غيرك يعشك
انفاسي

تحب تشوفني بحار وبلم
عشكي

يوتي الغيرك ويم مايهم
راسي

تحب اتجرب احوالي امن اصد
اعليك

ماتحملها انت ولااتحمل
اتقاسي

اخاف اعليك كلش من هوى
المجنون

لذلك راح اطلعك هسة من
راسي

http://up.shrzad.com/do.php?img=1559 (http://up.shrzad.com/)

عامرالعراقي

[الشاعرعامرالعراقي]

علي زعلان..؟؟..حصرررريا


علي زعلان..؟؟
كلبك طاوعك تحجيها كدامي؟
موتدريني من تزعل
اتيه وكلشي مااندل
اضيع بزحمة اوهامي

اذا قصدك دلال..
ادلل بكيفك
انة مخولك على روحي
وتشاغب حتى بحلامي

اكبار احنة ترة
والزعل مال زغار
مايرهم بكيفك
تحكم اعدامي

وميخالف ارد اردود اكلك
يلة ازعل انة مكيف
يالكل عسل محتار اراضي منين
من خدك ..من شفتك
والبوسة نغم يالتعشك انغامي

اذا تشتاك ابوسك
عادي ضل زعلان
بس كون انت كدهة
وتضل كدامي

الكلمة الماكلتها وياك
وابد ماكالها الساني
يدك بيها الكلب كل ثانية اهواك
احبك ثم احبك ثم اموت اعليك
ياكل السعادة الكتلت الامي


بقلمي
عامرالعراقي

[الشاعرعامرالعراقي]

ايتها الانثى الجامحة/بقلمي


في لغتي..الف حرف للصمت
والف حرف للكلام
قد لايكون القلم احد وسائلي
فلغة عشقي هي العيون
والطريق اليك ليس ابعد من عيوني
حين انظر اليك...
واتغلغل بنفوذي بتفاصيلك
تنهال من داخلي
زخات عشق..وشعور بالهذيان
وتنتابني غيبوبة الهيام
حتى اسكر ثملا من غير ارتشاف الكأس
انثى..وقوام ..وخصر رشيق
وشعر كالحرير
وعيون محاربة الساموراي
وسهام تنطلق نحوي بغزارة
خطواتها.. بذلك الرداء الشفاف
كخطوات اميرة..على عرش الملوك
صماء هي المشاعر
لكنها تحكي قصص
كم سأرتوي منك حين اقول..احبك
وكم ستعذبيني بعدها
ليالي حالكة الظلام تنتظرني
بشعرها الاسود وسكونها وصمتها الرهيب
لتذيقني شهد عشقك المفرط
ايتها الانثى الجامحة
فرشت لك ذراعي وسادة
فتقدمي لاحتضان غرامي


❤ بـــــ قـــــ(عامرالعراقي)ــــــلم❤

[الشاعرعامرالعراقي]

حزن كلتة..

كل ماينجرح عامر
ايام ويداوي الزمن جرحة
بس عامر
بكل لحظة الزمن
مقرر يذبحة
جان اكتاب
لكن نشكر الايام
ماخلت بي ولاصفحة
فارس جان
لكن طاح
وبصدرة انكسر رمحة
راد يطير
لكن بيش
طار الريش من جنحة
خلص كل حياتة بكيض
مامر الربيع اعليه
بس الاه وبنفحة
وناعور الليالي يدور
وايام العمر سبحة
هاي الدنيا لعبة زار
حظ تريد
وانة الحظ اجيبة منين
اذا بالطيف مالمحة
هاي الدنيا
ذيب اتريد
وانة اكره طبع كل ذيب
واعشك كل نفس سمحة
وصفولي الفرح يخوان
ترة والله اشكثر مشتاك للفرحة
ابجي بكلبي مو بالعين
وافتر فرة الرحة
خل تكثر بواجي الروح
خل كل نايم بهالكون
من ونتي يصحة
بعد الفات هاي
الدنيا شتمنحة
خطار وبعد جم يوم
يمشي محزم بجرحة
يمشي محزم بجرحة

بقلمي
عامرالعراقي

[الشاعرعامرالعراقي]

اشكد يوجعني بالي..بقلمي حصررريا


اشكد يوجعني بالي من تمر عالبال
وانت بكل اسف متروح من بالي

اشكد اتندمت لمن حجيت وياك
بيدي علكت خنجر بدلالي

حسبتك تحبني وراحتي وياك
ماادري الاحبة يصير كتالي

امسح كل صوورك روح من راسي
ماناقص همومك عوفني بحالي

اولا تكتبني كلمة بدفترك ماصير
ذكرى مااحب بحضن مو مالي

بكلبي بحر للعشك تغرك بي
انطيتك اولة ودور على التالي

شيطلعك بعد من كلبي غير الموت
ادعيلي اموت بروح كل غالي

تعبت امن السهر والليل مل مني
وامي اتكلي يمة اشبيك موخالي

يمة اتعوذ الشيطان وارتاح
اولا تنزل ابد ضل انت بالعالي

يايمة طحت بس ماحطت عالكاع
طحت بعشك مر البيه يحلالي

وضكت منة جرح ماشايفة بعمري
وعاين عالجرح واكول هنيالي

واكابر كوة اكابر واضحك امن الاه
وصرخة بكلبي يمة تكطع اوصالي

لو يدري البكلبي جان ذب عيون
مو يبجي دمع من يوكف اكبالي

حبيتة بعد وكتالي حبة صار
وزحمة امن العشك اعوف كتالي
وزحمة امن العشك اعوف كتالي

عامرالعراقي

[الشاعرعامرالعراقي]

السلام عليكم احبتي
قصيدتي بعنوان
الصاحب من تبيعة
بصوت الفنان صدام الجراد
حصريا لمنتديات مملكة السلطانة شهرزاد
https://m.youtube.com/watch?v=iPLtcaUIAgw

[الشاعرعامرالعراقي]

انة ماصاحب حبيبة صاحبي

العيب موبية وانا المابية صوج
انة ماصاحب حبيبة صاحبي

اولا احط عيني على اخت الصديق
ولااطب ابيت ادور غايتي

وعندي هم احجاية للعندة اذان
كون مويسمع يفسر احجايتي

كلنة مديونين واشكال الديون
زحمة اختي اتسدد النزواتي

وين الوشالة يدور بالعراض
هيج صاحب مايصير وشالتي

ومااصيرن ثالث بنص الاثنين
ومااحط عيني على المومالتي

اني صح بعازة الصاحب صدك
ومااصاحب دون ميسد عازتي

مومسألة مصلحة وشغلة حاجة
عمر المصالح ماتمللي بحاجتي

وطبعي اختار الصديق امن الصديق
او لو احتاج الركبة انطي برادتي


بقلمي
عامرالعراقي

[الشاعرعامرالعراقي]

ولاعرفوا شكو بكلبي..حصريااا







http://up.shrzad.com/do.php?img=4163 (http://up.shrzad.com/)


ولاعرفوا شكو بكلبي..حصريااا

ولاعرفوا شكو بكلبي

ولاعرفوا شكو بكلبي
المهم عدهم يحركونة
المهم عيونة تبجي جروح
ويتشمتون بعيونة
اشكد حاولوا ماكدروا
رادوا بس يوكعونة
رغم كل الالم ماطاح
صكر صعبة يتدنونة
وبيني وبينكم تعبان
مو ذاك التعرفونة
العمر ومكبعات البين
اخذن بركة عيونة
اكابر زحمة اكول الاه
بس بداخلي صرخات مجنونة
واضحك حيييل للصدكان
اخافن كلمة اشلونة
هو الميتة روحة
هم يسألونة؟؟
انة الميتة روحي وباقي اتنفس
بشك..وعاش بضنونة
هاا شللي بعمر خلصان
اقرب ناسة يفنونة
مااكدر اعيش امجامل اوية الناس
واضحك لليكرهونة
بكلب طيب صرت مجروح
طيبي مايميزونة
زرعتلهم ورد حسبالهم مجنون
كطعوا وردي ماعرفوا يشمونة


عامر العراقي


http://up.shrzad.com/do.php?img=4164 (http://up.shrzad.com/)http://up.shrzad.com/do.php?img=4164 (http://up.shrzad.com/)http://up.shrzad.com/do.php?img=4164 (http://up.shrzad.com/)

[الشاعرعامرالعراقي]

اني ماحب الرخيص..حصرريا


اني ماحب الرخيص
ابروحي كلش سهلة اشري الغالي
القيموا بفلوس مارغبة ابد
لو كمر والله ميطب بالي
الشريفة عكال يرهم للشيوخ
الشيخ من يحلف يكول عكالي
هيج وحدة تصير ام بيتي حلال
المتاحة الغيري ماتحلالي
انة صكر البيد مااكل فطيس
الصيدة المحمضة تسوي الجالي
الاريد اخذها كون معدلة
مهرة واصيلة اتصير ام عيالي
جاية هسة تريد نرجع من جديد
الجنت احلم بيها ترضة بحالي
جاية متندمة على حبي القديم
الجان اول صدك يرهم تالي؟
كل عقلج انة اكل فضالة غيري
اني ماحب الرخيصة اني كلش غالي

عامرالعراقي

[الشاعرعامرالعراقي]

حرق العلم العراقي ..حصرياا

رأيت في الفترة الاخيرة هناك بعض الفديوهات تنتشر كالبرق عن تحدي لحرق العلم العراقي مقابل مبلغ من المال
وكان الرد من قبل الجميع بالرفض القاطع....

https://getsnap.link/h8RwH1jjPWf
ياكافر يمد ايدة عليك
انت اية ونزلت بصورة علم
انت ماكرهوك بس المو اسلام
وانت لجلك ضحت اركاب الزلم
انت من ترفرف نحس انت فوك
واللي دون الفوك صارولك خدم
حاربوك وطمعوا بدجلة الكحيلة
والفرات اجتافة دخن وانتقم
ورادوا يقسمونة كيكة وننبلع
واحنة كيكة الروحنة وماننهضم
احنة اللبطن امة متوزر نطاق
ينام جوع وماينام اعلة الظلم
احنة مولودين حتى نعيش سيف
ومانزنجر بالكراب وننهزم
الله اكبر ياعراق اشكد جبير
القارنوا وياك يم اسمك قزم
فدوة كلنة نروح لسمك ياعراق
وجربتنة وشفت وفينة القسم
نموت احنة وكل اهلنة الخاطرك
بس انت مهيوب وترفرف ياعلم
الرادوا يحركوك مقصدهم شريف
كالوا امن ايطيح هم تطلع زلم
عفية سيف الجابها يكطع ركب
والهذا يومك يبتر وماينثلم

الشاعر
عامر العراقي

[الشاعرعامرالعراقي]

مدري شبيك..

مدري شبيك صاير مني تزعل
تريد تعوفني مدري اتدلل
ماسويتلك شي ولااذيتك بشي
ولاكتلك كلام المنة تخجل
احس بداخلك من غير متكول
واهاتك بكلبي نار تكتل
احبك والعشك موعيب يفلان
وكلت كلشي اسوي حتى تقبل
تصوبني برصاصك واني ارتاح
اليوكع بالعشك كلشي يتحمل
المهم اعتذر واني مقصر وياك
ولو ماادري طبعك عذر يقبل؟

مدري شبيك احسك حيل مهموم
وبعيوني ملح ومزاعلة النوم
اليكلك احبك بادلة الحب
ولتصد العشك مايرد كل يوم
خليني الك واختارني وياك
اختاريتك واريدك روحي للدوم
ماارهم بدونك حاسبك روح
يانبضي وحياتي شبيك مهموم

بقلم
عامرالعراقي

[الشاعرعامرالعراقي]

ياورد الكاس ياوردي


ياورد الكاس ياوردي
غصن مغروس في كبدي
ظالمني حبيبي ليش
العمر ساعات ويعدي

العمر وردة وغدا تذبل
غدا اقصد المستقبل
ومنو يدور ورد ذبلان
وبعد من يذبل شنهدي

يكاس العمر عدة وراح
وتغير على وكتي
عشكك خمري من اسكر
واسكرك لو عشت وحدي

اتسامر بجنح الليل
واغزل للنجوم اشعار
وشلال القوافي يسيل
بسمك انهي ماابدي

يعني اول واخير انت
يعني العايش بجبدي
يعني انت الاحبك مووت
ياورد الكاس ياوردي

الشاعر
عامر العراقي

[الشاعرعامرالعراقي]

دعي العنان لقلب.....حصرياااا

دعي العنان لقلب قال ماقالا
ولاتضعيه في قيد واغلالا

كفي الكلام وصمتا في محارمه
فالصمت في حرم الجمال جمالا

بل واسرجي للحب قلبا جامحا
قد نال من تهميش مانالا

ابكيتني سرا والدمع يفضحني
فقد كواني البعد اهولا واهوالا

انا عاشق متمرس بالعشق احيا
وها قد وقعت بعشقك مغتالا

هذي حكايتي و اعترافي ادونه
مع الحمام اشده مرسالا

فلا تقسي على وصلي وترفقي
ولمي شتات قلب صار اوصالا

انا كل الحب وكل الكون
وانا تاجرا انتي جل اموالا

كتبتها لك وحدك سيدة الانا
قولي احبك او لاتقولي لي لالا

بقلمي
عامرالعراقي

[الشاعرعامرالعراقي]

عود سامحني.....بقلمي حصريا للشهرزاد

انطيتها الفرصة
وخذت من عيني ماي
وخذت رايي
وهل صفيت بغير راي
وراحت وماوادعتني
ومدري اشكالت وراي
وعلى حطة ايدها
الهسة انتظر
مجبور؟
لاوالله ابد بس برضاي
وصار كومة اسنين
احرك انتضار
مصبر بروحي
واكولن هو جاي
بخاطري وكيفي
شمع عمري طفة
والله فشلة
وكاظ روحي بمشتهاي
مدري ميت..مدري عايش
مدري ادري
وضامها من مستحاي
الشيب بالفركة
يجي يركض ركض
وانة شايب
شيبت وانة بصباي
وماكلت فديوم
راح انسة ونسيت
هي كلها سنين
ويرد الدفاي
والعمر كلة
ترة ساعة وخلص
وانتظرتك مااجيت ..
الموت جاي
عود سامحني اذا مالحكت
تمشي وراي
وعود سامحني
اذا حنيت الي
واحرك عضامي تدفيك بدفاي
واحرك عضامي تدفيك بدفاي

عامر العراقي

[الشاعرعامرالعراقي]

حاجة بربع...دمنة رخيص اخذوا شلع...حاجة بربع

حاجة بالف حاجة بربع
جاي بربع شباب حلوين بربع
تعالو يلا استعجلوا
دمنة رخيص اخذوا شلع
تيشيرت بي دم الطفل
حقيقي دم لاموطبع
واطفالنا يخبلون
هم حاجة بربع
غيرتنا حلوة وبالة بعناها لان
هذا الوضع ماينجرع
حاجة بربع
بابا اريدن قمصلة
امن البالة هاي ام الربع
ادريك ماعندك شغل
وتدريني بيها مقتنع
بابا ترة عالباب راح اني انتظر
ارجعلي ميفيد الوضع
احزام طك ماريد بابة القمصلة
اريد بابة يضل شمع
ليش اخسرة بحاجة بربع
واعيش عمري بس دمع
ياوطن ياوطن ذبينة ماي عيونة
وبالة الوكت خلانة للباعونة
بماعونك الياكل ذهب
لايكفر بماعونة
احنة اشرف دم واطهر دم
لان طاهر طمعوا يسفكونة
طمعوا ابياع بالات الفقير
حتى بحضان البرد يرمونة
عمي جوعانين ماعدنة خبز
اذا محتاجين خبزة اخذوها بس عوفونة

الشاعر عامرالعراقي

[الشاعرعامرالعراقي]

احلام وردية..بقلمي

ابد ماعندي حظ وية الاحبهم دوم
احبهم حيل ويحبوني شوية
اهم بيهم اكثر مااهم روحي
وهمة وجودي و لاوجودي شغلة عادية
اثر الهم كلب مو عالكلب ويروح
وحتى الروح الهم والله مو لية
لو طلبوا عيوني انطيها مااهتم
واني انطيتهن من غير منية
هذولة الاغلى مني بكلشي موللبيع
وبكل اختصار احسبهم الدنيا
اني بعينهم كلشي ولامحسوب
وماريد انحسب خل ابقة بالبية
الحظ ينعرف من تربح كنوز
واصحى امن الحلم الكاها وهمية
حلوة احلامنا بس اعلة كد الحال
بعد ماراح ادور احلام وردية

الشاعر
عامرالعراقي