07-30-2020
|
|
|
كل الوجوه اوجوه بس وجهج كمر
كل الوجوه اوجوه
بس وجهج كمر
وكل العيون اعيون
بس عينج بحر
يا اجمل بنات الكون
خليتي الحياتي لون
يا نسمة فرح بالروح
بالروح الورد خضر
كل الوجوه اوجوه
بس وجهج كمر
،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،
اضيع بصفنتج تدرين
اضيع بصفنة اعيونج
مدري شبيه من ترحين
مدري شبيه من دونج
ياروحي وبعد اغلى
وياج العمر يحلى
يكبر كلشي بالإنسان
بس الروح ما تكبر
كل الوجوه اوجوه
بس وجهج كمر
،،،،،،،،،،،،،،،،،،
حاير بالوصف شهرين
مثيرة ومذهلة اوصافج
ما اريد العنب والتين
طعم التين بشفافج
يامن للعهد صنتي
صدكيني الوطن انتي
مامش كل عشك بالروح
ياروحي وبعد أكثر
كل الوجوه اوجوه
بس وجهج كمر
بقلمي
حصري لمنتديات مملكة الشهرزاد
مجيد السيد
|