المشاركة الأصلية كتبت بواسطة قاسم البهادلي
|
احببت بردي ان اكون مدافعا عن المعني المجهول شطر بشطر الاحمر لكِ والاصفر لي
ويستمر الحوار
لاتهز كاروك دمعك
لا ابد عشكَي نسيتي
اولا تلولي بصوت عالي
انا الولي من بجيتي
غير جرحك ماسيمعك
وانتي بجروحي اشتفيتي
لاترخصة الدمع غالي
انا رخصت الدمع يوم جفيتي
من البداية المالة اول
مكيفه ابيوم الحجيتي
لاتلح مااله تالي
اله اول واله تالي ومادريتي
شيلني من بالك انت
شلته اسمج من هويتي
انت اصلا مو ابالي
انتي ابحيج الي شكد شكيتي
اولاتفكر يوم ارجع
ما اجيتج انتي اجيتي
كلبي من اسنين خالي
خالي ولغيري هويتي
واني وي جرحي علاقة
وجرح روحي ها نسيتي
وكَمت اكَول الجرحي خالي
انا لجروحج شهد يالقصريتي
وصارن دموعي بنات
وانتي لعيوني عميتي
وكبرن بعيني الغوالي
ياغوالي اسهامج النبتن بريتي
رادن يحبن ابشرك
اعترف تكَرب منيتي
ومالكن بالجرح غالي
لكن لغيري صفيتي
ارجو ان تنال رضاكم
مع صفاء النية
|
الاستاذ الكبير قاسم البهادلي
شكرا لكل حرف نزفته هاهنا ورسمته اناملك بأروع الاحاسيس
لعلي استطيع مجاراتك
هواي لاموني على ذاك الرحيل
بس جنت محتاجة كلشي اترك وراي
مااباوع ليورة خاطر اعيش
وماارد للطاح كلش من سماي
مثل طير الحر اطير براحتي
ومااوكر الة اني ومشتهاي
اشتضن اضعف واسهل المالة حل
الماعرف بالعيب واليطعن كفاي
اليدور سلعة من سوك الرخيص
هذا ماعرفة ولامن مستواي
انة عقلي براسي مااغلط ورد
وصعبة افكر يوم ارد للمالة راي
تحيتي لك استاذ قاسم واتمنى ان اكون
قد وفيت حق الرد
|