09-02-2020
|
|
|
امي الدوة للجرح
امي الدوه للجرح
وللزاد امي الملح
امي بظلامي ضوى
ومصباحها اجمل صبح
يابيدر محنة اوفة
ويفيض بسلال الفلح
لولامستني اجفوفهه
ينمحي اكبر جرح
ولو بوست اجدامهه
اغلى وسام انمنح
امي كلشي صارت النه
ايد وروح وجنح
امي ضحت من اجلنه
بهذا زمنه الوكح
امي باعت نص عمرهه
وشترت النه الفرح
ينمسح كلشي بعمرنه
وطيبج ابد ما ينمسح
ياحاملة اجمل صفات
غيرة ومحنة وصفح
بلشدة ماتغفى وتنام
والام بلشدائد تتضح
هيه جنة بلا حساب
ويا عظيمة بلا مدح
امي كلشي صارت النه
ايد وروح وجنح
تقبلوا تحياتي
بقلمي
مجيد السيد
|