منتديات شهرزاد الادبية - عرض مشاركة واحدة - لترتاح بحياتك أبعد عن انواع البشر التالية :

اوسمتي · #1 09-05-2020

لترتاح بحياتك أبعد عن انواع البشر التالية :

- الشخص يلي بيحسسك انو كل اللي حواليك سيئين وبيحاول يقلل من قيمتك ويصغرك بعين حالك كرمال يحسسك انو هوي الوحيد بهل حياة رح يساعدك وينقذك.

- الشخص الإتكالي يلي بيرمي مسؤولياتو عليك وكأنك أمو أو أبوه ومجبور فيه.

- الشخص يلي كل ما يحاكيك بيحاول يركزلك ع عيوبك وبيكرهك بحالك.

- الشخص اللزقة ، يلي ما بيتركلك مجال تشتقلو.

- اي شخص بينتمي لجماعة التنمية البشرية هاد يلي شو ما حكيتلو مشكلة بيقلك الحل انك تحب حالك وتحب عيوبك.

- الشخص يلي بس يتوفر عندو البديل بينساك تماماً
يعني بالمشرمحي " عاملك استبنة".

- الشخص المصلحجي يلي اذا بطلت تقدملو شي ببطل يقلك مرحبا.

- الشخص يلي ما عندو مبدأ وحسب السوق بيسوق
هاد الشخص ما بيضرك بس بيحسسك انك حمار لانك بيوم من الايام فكرتو فهمان وهوي مجرد ببغاء بيردد شو بيسمع.

- الشخص بياع الحكي لانو في علاقة طردية انو كل ما زادت نسبة انك تبيع حكي واخلاق كل ما زادت نسبة انك علاك وكذاب.

- الشخص يلي بيطلب منك تغير من شخصيتك كرمال يكون معك " هاد اتفه انسان ممكن تقابلو بحياتك".

- الشخص اللي كل همو المظاهر لانو بس يصحلو احسن منك بيقلعك.

- الشخص يلي بيضل بياخد منك حكي بس ما بيحكيلك شي عنو هاد اكتر انسان حسود وعينو ديقة.

- الشخص اللي بيعاملك حسب مزاجو.

- الشخص يلي ما بيحكي معك الا اذا كنت عم تضحك وبس تجرب تحكيلو عن همك بيقلك شو هالنكد وبيروح !

- الشخص يلي بيحسسك انك لازم تكون ممنون لوجودو معك وبستكتر حالو عليك.

- الشخص اللي بتحسو ناطرك ع نكشة ليشمت.. هاد فعلا رح يتعبك لانو رح يمنعك تعيش حياتك بعفوية من خوفك من شماتو.

" خلي نفسيتك فوق الكل "

جنة الروح ,ابوصفاءالدليمي ,شمس الخريف معجبون بهذا

الموضوع الأصلي: لترتاح بحياتك أبعد عن انواع البشر التالية : || الكاتب: ابراهيم دياب || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: الثقافه العامه

gjvjhp fpdhj; Hfu] uk hk,hu hgfav hgjhgdm :

المصدر : || منتديات شهرزاد الادبية إسم الموضوع : || لترتاح بحياتك أبعد عن انواع البشر التالية : القسم : || الثقافه العامه كاتب الموضوع : || ابراهيم دياب