11-13-2020
|
#14
|
|
ديوان شعر** البدوية العاشقة
ولو تسألني يا سيدي القاضي
انا بدوية
ايه بدوية
ايه بدويـــــــــه وافتخر
ماهي رزية
لاخير بانسان رمى ثوب ماضيه
وبالتاليه يسعى لطمس الهويه
للشمس نور يحسب انه يغطيه
مايدري كفوفه بنوره خفيه
وانا فدا الماضي ليا حل طاريه
انسى الحياة المترفه والشقيه
طبع البداوه عشقي وميته فيه
وكلي فخر لاقالوا اني بدويه
ايه ابدويه وازرع الطيب وأجنيه
الطيب زرعي مازرعت الرديه
ايه ابدويه لو تزيد المشاريه
ببقى على عهد البداوة وفيه
ماالاحق الموضه بسوق المسافيه
اللي لهن كل يوم روحه وجيه
الله سترني ثوبهم ذاك مابيه
لاصار تطريزه بسلك الخطيه
ماني من اللي اثبت العكس وانفيه
وبيني وبين العيب حوض المنيه
وماني دلوعة ولاقلت امبييه
ولالي على كثر الدلع مقدريه
رزينه وثقلي على الخفا ابديه
دام الثقل زينه لعقل البنيه
كرامتي نجم سطع في لياليه
ولاذلني مخلوق مادمت حيه
واقول للي جهل الايام معميه
مولودة وعشت وبموت ابدويه
سجل افادتي واحفظ
القضية
|
|
|
|