05-30-2022
|
|
|
جرح الاهداب
ياللي معودني على جرح الأهداب
اجرح ترى تجريح الأحباب عادي
لاصار لك في داخلي قدر وحساب
اللي عذلني فيك تايه وغادي
نبقى ولو طال الزمن رمز الأحباب
نبقى لو إن الوقت لونه رمادي
نعشق بعضنا زايد الشوق ماتاب
مدري من اللي باعذب الحب بادي
الحب فينا طول الأيام ماشاب
بس يتجدد والمشاعر اجدادي
الشوق لا منه حضر نفتح الباب
وينبت من ورود الغلا كل وادي
ونقطف من ورود الغلا كل ماطاب
والكل منا للمحبه ينادي
غاب القمر وانا احسبه مابعد غاب
أثرك بجنبي صرت والليل هادي
الشاعر فيصل بن تركي آل سعود
|