06-17-2019
|
#3
|
|
ديوان شعر** علي الجعفري
نظرة الاعجاب منك اذهلتني
كيف ونتي للحلا بيت القصيد
كنها المزنة وجتني وامطرتني
واستعانت بالعيون اللي تصيد
جيت اداعبها وفي لمحه افهمتني
قالت اعجل والمسافة لا تزيد
فز قلبي في ضلوعي واحظنتني
وارتميت بحظنها مثل الوليد
واشهقت ثم استوت ثم اتركتني
وارجعت تحضن ونا كني شريد
بهذلتني يوم تضحك بهذلتني
وانصهر قلبي كما قطعة جليد
قلت انا يا بنت احضانك خذتني
للمكان اللي يوديني بعيد
للمدينة للزوايا اللي نستني
للدفاتر للخواطر للقصيد
للقصور اللي على الشاطي بنتني
للبكا ل الليل للحب الجديد
آآآآه يا سر البيوت اللي حكتني
للغريب وللقريب وللبعيد
كلمات / علي الجعفري
إحساس مكه
|
|
|
|