منتديات شهرزاد الادبية - عرض مشاركة واحدة

اوسمتي · 06-21-2019

الطيب يكسبني

الطيب يكسبني قبل لا اكسب الناس
والطيب خصله خصها الله فيني

من صغر سني وطيبتي ترفع الراس
كلي شموخ وعز نخوة تجيني

دايم امني نفسي بكل نوماس
من طيبتي لمسة حناني بيديني

ماغاب مني طيب القلب باحساس
كلي مع اللي بالمودة حنيني

وشعوري انزف حسه بكل كراس
واخط بحروف الوفاء لي تزيني

مالي ومال اللي مغير مع الناس
وانا شموخي رافعه فوق عيني

ماهمني من قالو الناس لاباس
همي صدوف الوقت لا تبتليني

اضحك ولي قلبٍ من الطيب حساّس
ماحمل ضغن في داخلي والونيني

انظر جميع الناس بالود باحماس
فيهم شموخ وعز دايم يجيني

هذي هي الدنيا توريني اجناس
حيٍ يطيب وحي شينه يبيني

من رابع الطفجين لابد ينداس
ولا المواجه بالحكي ما يهيني

جربت انا الدنياء على كل مرواس
واثبت ان الناس تعجز تهيني

راسي شموخة عالي بصدق ماداس
على دروب الشين انزه يديني

منزه من كل خاين وهماس
اصلي من اللي بالشجاعه يعيني

كلي عزوم ونخوتي ترفع الراس
ما احنيه غير لربي وفرض ديني

ساسي عريق به طويلين الانفاس
ماخاف من كلمة بحقي تبيني

حنا من اللي عرفنا نقطع الراس
قولي مثبت من رحل لا يجيني
ألجامحة