06-26-2019
|
#15
|
|
ديوان شعر** علي الجعفري
إنتي ونا
حلم وسما
ونجوم تتناثر هنا
بين الحقيقه والخيال
مثل الطبيعة والجمال
بتخيلك ......
في دنيتي ..... ما أجملك
في نظرتك .... ما أصعبك
في بسمتك .... ما أعذبك
ما أروعك ......
سافرت في دنيا الغرام
أتبع ملذات الهيام
واتخيلك ......
ودي أكون بعالمك
فارس على ذاك الفرس
وأسرق من أوقاتك قليل
وأطير بك .....
ونلف هالعالم سوا
وما نلتفت للوقت
دام الهوى إنتي ونا
واتنفسك ......
غيم ومطر
عشق وسهر
نحيا كذا
مثل الزهر
مثل الأماني والصور
أتذكرك ......،،
أتذكر إني وقتها
كل المرايا شفتها
كل الملامح عفتها
في غيبتك
اكتب وتقراني عيونك
أبحر ويسبقني جنونك
ما أجهلك ......
إنتي الدفا
في وقت ما يعرف وفا
إلا معك
واستصعبك ........
مثل المهر
صعبه تجيه تسايسه
لكن معا ريم الفلا
اللي لها كل الغلا
جتني هنا ......
تكتب معي قصة وله
نكتب سوا احلى كلام
ونقولها للحب
احنا ترى
نستسهلك
........................................
كلمات / علي الجعفري
احساس مكه
|
|
|
|