07-20-2019
|
|
|
راحة بال ادور..بقلم عامرالعراقي
احببت ان انقل لك شيئا من ذكرياتك
راحة بال ادور
راحة بال ادور
وانتي الراحة اللبالي
عفتيني بوكاحة عين
شكلج كلبي ضل خالي
شكلج اخذتة غيرج
شكلج دمرت حالي
انتي والهجر
واثنينكم ظلام
وصاير بينكم خطية دلالي
ادور عالكتلني
ابين كل الناس
وماشكيت بيك اتصير كتالي
روحي البيها تزرع خنجرك يهواي
زرعتك بيها ماخليتك اكبالي
وحلمت وياك البسك طرحة الزفة
وخاتم بيدك اول عشكي والتالي
لبست اني الجفن
والزفة بالتابوت
وانت بموتي تضحك وسفة يالغالي
باجر
من تضوك جروحك البية
وتصير الرخيص الضيع الغالي
تعض حتى الرجل
مو بس اصابع ايد
ساعتها الندم مايرحم بحالك
او لو تبجي علية
وتوكع اعيونك
ماارجع اردود واوكف اكبالك
العشك
برزخ حياة وموت
الماحبيتة عايش
موتة من بالك
جنت بالنسبة لية اعكال
وجنت انة الاكلك بية هنيالك
وهسة براس غيري
اسمعهم يكولون
للحطك براسة
مايل عكالك
تتذكرها؟؟
|