منتديات شهرزاد الادبية - عرض مشاركة واحدة

09-07-2019

]تعالي واسكني فيني وعيشي في خفوق(ن) ذاب
تعالي في ربوع الحب تهني بكل لحظاته
تعالي بسكر بريحة عطرك الي يجي جذاب
تعالي وأروي عطشان(ن) لسانه يجرح لهاته
تعالي والسنين الي مضت لي ماعتبرها حساب
تعالي ببتدي وياك عمري بأولى خطواته
تعالي والهوى يمك دفعني والهوى غلاب
تعالي ذي شروع الحب تدمح كل غلطاته
تعالي نوري هالكون في عيني والقمر ماغاب
تعالي يالسؤال الي عجزت القى إجاباته*
تعالي ودي ألقى بك من هموم الزمن لي باب
تعالي عالجي فيني جرح(ن) صعبه دواته
تعالي حيل ضميني على صدرك بأقول أحباب
تعالي لا تخلين الغلا يبدا في نهاياته
تعالي والسراب الي عشقته دون أي أسباب
تعالي بددي كل السراب وخذي محلاته
تعالي وأسمعي صوت(ن) حملك كلمتين عتاب
تعالي ودي أنطقها ياروح القلب ومناته
تعالي أنتظرتك والبشر ناموا وأنا مرتاب
تعالي والسهر نام (ف) عيوني طول سباته
تعالي وكل حرف(ن) لك كتبته لمسمعك ينساب
تعالي وكل حرف(ن) جاك يشرح لك معاناته
تعالي لا ينادونك قتلتي في غرامك شاب
تعالي بانتظارك قلب يبوح بصدق نياته