02-07-2020
|
|
|
|
اليوم جمعة....مَن رفيقي ؟
اليوم جمعه,,, من رفيقي الى الله؟
#########
اليوم جمعه والف قبله للجميع
والله وصه بالسلام
. وناس بالجمعه تساومنه وتبيع
وراح اخالف كل قوانين البرية وما اطيع
راح اسوي الشته كمره
دموعي راح اصبغها حمره
وراح اسوي كل تفاهات البشر
راح اسويها حدايق للفراشه
والعن السوه القنابل
وراح اشتل بنص حديقتنه بلابل
خل تخضر
خل نسوي كل نفاق الناس تغريدة بلابل
وخل نسوي دموع كل حلوه زغيره عزف ناي
وراح اوزع الورد مجانا عليكم
والغي قانون السلاسل
وخل نبيع ونشتري بالله ورسوله
وخل نغني بعلي جدنا وببتوله
خل نسبح
نحارب الباعوا بلادي ومانصرح
وسبحة العابد سواتر
تخضر بسدها السنابل
نكول الله وخل نصول
نشعل الدنيا صلاة اعلى الرسول
سبحة العابد هلاهل
خضرت ديرة مشاتل
والف تغريدة بلابل
الف تغريدة بلابل
.........................
الشاعر: مناضل الناصر
|