03-12-2020
|
|
|
صدكني نسيتك
راح تندم ..
وتجيني معثر الخطوه
وبعيونك دمع من دم
وتجيني وخاطرك مكسور
وبقلبك حزن ملتم
وتلكيني بشر ثاني .. ولا مهتم
مو ذاك الحنين إلي إلك سلم
ومو ذاك التأمره وجان يكلك تم
جنت طيب كبل وياك ..
بس كلبي الطيب تهدم
حجرت القلب ماعاد إلك اهتم
وشلت كلشي تعلق بيك
من دموع من احزان من هم
وصرت اضحك على الماكو
وتكول الناس مدري شبيه
يمكن يتألم ..
صدكني نسيتك وانتهى الموضوع
وقلبي منك اتعلم
صار افهم
خليك على بعدك لا تقترب ارجوك
آنا وياك مانرهم ..
|