لتخاف الزلم ماخلفت نسوان
والبعبة طلي خل يعرف يلزمة

موتدري البشر يحجي التربة اعليه
يعني الفاسد امن البيض شيعلمة

كل واحد بشكلة يشوف كل الناس
واحترمك لان ماكتلة حرمة

كلتلهم نثايا لان همة اشباه
المثلهم عيب يتشبه بحرمة

اكو حرمة تعادل الف رجال
واكو رجال نثية ابلاية ذمة

ترة الزلمة ابد ميطفر بيوت
واليطفر ترة يطفرلة زلمة

عدالة ربك العين بعين
والظالم اكو رب اليظلمة

احسبها عدل روح اسأل فلان
اليثلم عرض ماعندة ثلمة

لتمد ايدك بنص كوم انقاض
عفنهم ترة ماتكدر تشمة

الجبل جي عالي ماكدروا يصعدوا
ناموا حدر ضلة وهابوا اسمة



الشاعر عامر العراقي
عذرا قرأت حرفك من جديد وارتجف قلمي للسجال لم تتغير رغم كل السنين ولم يتغير نسيج قلمك
لااعرف عن اي الم تتكلم
ولكن اشعر بما في داخلك من بركان
تقبل مروري ابن عمي الغالي

رحيق الورد