06-03-2020
|
|
|
رد الية..بقلمي حصري هنا..!!
رد الية..بقلمي حصري هنا..!!
رد الية
عيوني تعبها السهر
وارضى كون تجيبلي
وردة هدية
وتكلي نامي
يلا واغفي ابين ادية
رد الية
العين شيب دمعي بيها
وتوجة اعلى رمشي
وطاح عالكاع
وتنثر وخضر صبر
هيج مثل سنين عمري
الضاعت وبس تنتظر
رد الية
البسمة مااذكر شكلها
وصفوها هواي لكن
ماعرفت اشتعني الية
وكلت بلكي تردلي بالي
الاخذتة وياك من يوم الرحت
رد الية
اسنين واني اسأل عليك
وعلى اخبارك
يجيبها الشامت الية
يكلي انسي عندة غيرج
وحدة اخذت منة عمرة
خذت عمرة الجان كل حلمة الية
رد الية
كلي هم كلتلها احبج؟
وبذكرياتك هم لكت حبك الية؟
هم حلمت وياها تكضون العمر
هم سمعتها الغنوة التغنية الية
وعمري انة الضاع بس مناطرك
يمتة عود ترد الية
رد الية
وداعتك
انسى كل الصار من يوم العفتني
انت عافيتي وترد عافيتي الية
رد الية...
بقلمي
رحيق الورد
|