06-04-2020
|
#11
|
|
المشاركة الأصلية كتبت بواسطة رحيق الورد
|
وشلون ارد؟!!
ماادري حلها براحتك
الطوبة مو يم ملعبي
الطوبة هسة بساحتك
صفيها بيدك لو ردت
والهسة امشي برادتك
نومني تعبني السهر
دفيني حدر اوسادتك
امسحلي دمعي المابطل
موبس تمشط امرايتك
تدري اشتهيك اتمر حلم
تحجي وابوس حجايتك
واصفن عليك ابلا نفس
واتيه كلي بهامتك
اشبك صوررك عالبعد
مشتاكة والله بعازتك
لتكلي فدوة اشلون ارد
ماادري حلها براحتك
عامر العراقي
معك تحلو القوافي ولي امل ان يطول سجالنا
مع وافر الاحترام
|
لعيونك ياغالية تدللين واني حاضر
بساحتي..
ذبيتي هسة الطوبة
عود بساحتي
وحسبالج اسحب روحي
اكولن
انة ياهو المالتي
والله اني عامر
واني كد احجايتي
حبيت اجامل بالشعر
واحجي الكلام براحتي
ترديني ارد انوب الج
وانة الكسرت امرايتي
اضحك واضم البالكلب
وتمشين انتي بصايتي
حبيتج وماقصرت
والبيتج اجيت برادتي
خطابة جبت اهلي الج
غير انتي بنت اولايتي
غير انتي كطعة امن الكلب
غير انتي كلج مالتي
غير انتي جذبتي علي
والجذبة شلت حالتي
هسة المهم عوفي المضى
واحلفج انة بداعتي
ترديني اردن للعشك
لو ترديني ارد الغايتي
بقلمي
عامرالعراقي
خاص للمساجلة
|
|
|
|