شخباااار قلبك اليوم

اليوم كلبي بيك ينبض
وانت ادري بلا نبض
يا الهي شلون احبك
ولو تركتك للغُربْ
شنهي القبض؟

نمت وتوسديت الگلب والنبضات
وغفيت ولا برد جلجل على متوني
وگول تعودلي واگضيها بالسكتات
ويحضنا الغرام الشافته عيوني

جم ليله الك من غبت وطيوفي ما ردن
وطير المهاجر اجه وكلبك ابد ما حن

تتلاكة العيون وتشتعل نارين
من كثر الحنين تصيح مابيه
وشحال الكلب لو فكر بنبضين
نبض عنده ونبض اخباره مخفيه

الكلب يسال وين يا حبي تبات
ما تدري بالحسرات انكطعن ومات؟

تدريني احبك وانا احبك حيل
وأكو المجنون منك والسبب مجهول
أكو بحجة غياب يهملك وينساك
وأكو اليتعنا ليكم حتى لو مشغول
لا تِهتم أبد بللي يلوم عليك
وي النـاس خِلگـك خَـلَـة حيل إيطول
ولا تحرگ اعصابك لو حجوا بجفاك
ترة بـــارد گـلبهم .. گلبـك الـمشعول

يمن دمي على جدمك
لو هدرته يحل
الگلب متعلم على الشوگ
واليشكي المصيبة يذل
گالولي الصبر للما يهم ربحان
يا هم الصبر يكتل.

اسهر للصبح والگلب مامرتاح
تمر ابسكته يمي ومستحي جنك
تتونس براسي وانا وك متعوب
يافشلة السهره الخاليه منك
اعاين للگمر والگاه بس خيوط
جي شافك گمر وانهزم من يمك.