المليون ~ رد

قلب مارف على غيرك ولامال,
خلص من كثرة اودادك ولامال,
ابد لاولف يانسني ولامال,
الونس انتة حبيبي وهاي هية

بدمايوم من همك خليتان
وبعد خل ينتظر قلبي خليتان
اخبرك بالجسد ظلن خليتان
الك وحدة اوهبتهة لوحدةاليية

على مودك عفت ربعي وناسي
وسدبحلوك شماتي وناسي
اذاعني غفل قلبك وناسي
انة بطروك كل صبح ومسية

كل مغرم برت علته وناله
سعيد اللي حضه يشخصك وناله
الطارش من سمع نوحي وناله
ترك شغله وبجه رحمه عليه

يدك فوضت نفسي تملك
والك منزل بدلالي تملك
وحقك لو ردت روحي تملك
اودك لو تراويني المنيه

يرج ماحلة بيميني و لا طاب
و لا دونج دخل كلبي و لا طاب
يا جرحي وياج لا هود ولا طاب
دم ينزف و لا تدرين بية

غيرك ما جرى دمع ولا هل.
غاب الكمر عني ولا هل
مابقه بالدنيا جار ولا اهل ....
بس انت وكطعت الوصل بيه

سكر كاس الخمر من ضاك نفسك
و اكو غيرك حلو بس ماكو نفسك
اريدك ياحبيبي اتبوس نفسك
بس ابداخلك تنويها الية

افتك من هواك اشلون شفتك
تمشي وية غيري اليوم شفتك
او شفت شفتك قريبة اتلوح شفتك
وخذ منك حلك وصار بية

حبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن علية