ديوان شعر مجيد السيد

حزنان

حزنان ؟؟
اي حزنان
وحق كل حرف بالقراءن
اي حزنان
وحق عيسى ابن مريم
وسورة الدخان
اي حزنان
لان شفت الورد
ينذبح بالليل
ويموت ع الجدران
ولان شفت البلابل
تعشك صهيل الخيل
وتقلد الغربان
ولان شفت البشر
عافوا اصول الدين
وعبدو الشيطان
اي حزنان
من شفت العساكر
ترجف كتلهه الخوف
وتركت الميدان
اي حزنان
من شفت الشيوخ
بلاسبب تنهان
اي حزنان
صلف هذا الوكت
غير موازين العكل
شيخ الرعيان !!
اي حزنان
بس تردون الصدك ؟؟
والله ماندمان
من شفت الزلم
رجفت حته الموت
وطبع بيها الزلم
اتصول بالميدان
ومن شفت الغني
وي الفقير يطيح
وعلى ظهر الموت
تتسابك الشجعان
ومن شفت الشمس
زاحت ظلام الليل
و بحب الوطن
امتزجت الالوان
ماندمان
من شفت الوطن
ضمد اجروح البيه
ويصرخ بعالي الصوت
كلنه اخوان
احنه اخوان
كلنه اخوان
بقلمي
مجيد السيد

مرات اشوفك شمس

مرات اشوفك ليل

مرات احسك ثلج

مرات احسك سيل

ياليل وحشه ارويحتي

ومسكونه بيها اشباح

وياليل حتى بنومتي

صدكني ما مرتاح

مرات اغمض صدك

ويندهني طيفك حيل

مرات اشوفك شمس

مرات اشوفك ليل

مرات اشوفك جرح

ومرات اشوفك دوه

ومرات احسك ألم

ومرات احسك هوه

يادنيه صعبة حالتي

وكل لحظة اشوف الموت

ويادنيه حتى الفرح

ايمر علي بسكوت

مرات احسك اللي

دجلة وفرات ونيل

مرات اشوفك شمس

ومرات اشوفك ليل

مرات اشوفك نهر

من تعطش انهاري

ومرات اشوفك عطش

من تذبل ازهاري

ياروحي هذا العشك

جوياته صعبة تصير

ومعروف طبع الوفي

مايعرف التغيير

محبوبي ليش اتغيرت

وبيه كمت اتعيل

مرات اشوفك شمس

ومرات اشوفك ليل


بقلمي
مجيد السيد

الى متى ؟

يافتى

قلبك يتشضى

الى عدة

شضايا

وفي كل شضية

تصيب قلب

صبية من

الصبايا

كفاك ارتكاب الموبقات

وكفاك ارتكاب

الخطايا

في كل ركن

لك مخبى

ستفتضح يوما ما

كل الزوايا

هذه اعراض الناس

وليست هدايا او

عطايا

لن ينفعك الكذب

وستشهد عليك

جوارحك وقلوب

الضحايا

وستنتقم الدنيا منك

وكما ادنت س_تدان

وتتكاثر عليك

الرزايا

كف عن هذه الافعال

يافتى

وابتعد عن اسلوب

الغوايا

الا تخاف الله

في الناس ؟

الا تخاف يافتى من

المنايا ؟

بقلمي

مجيد السيد

مدخل

الاهتمام بالشخص هو بداية حقيقية للحب الصادق والنقي

اهتم بمن يهتم بك وحاول ان تبادله الاهتمام وبأي لغة متوفرة لديك

كأن تكون لغة العيون مثلا او لغة مراقبة تحركاته عن كثب او استخدام

اليدين لكي توصل له انك مهتم جدا به


عندما اختارني من بين الملايين ومنحني حبا عظيما وغمرني بسعادة لاتوصف
ولم يبخل عليه بكلمة جميلة


الا يستحق الاهتمام به

عندما يحاول تخصيص معظم وقته لي يسال عني في غيابي وينتظر قدومي بشوق

ويسهر الليالي ويتحمل ضريبة الانتظار الباهظة وعندما نلتقي بعد الغياب الطويل
يستقبلني بابتسامته الرائعة والمميزة ويطرب مسامعي بكلمات عذبة ورقيقة ويبتعد
عن أي شي يعكر مزاجي

الا يستحق الاهتمام به


عندما يعترضني عارض ما كأن يكون مرضا ما او مشكلة ما اول من يبادر الى
مواساتي ويزيح جميع الأمي الناتجة عن هذه العوارض وعندما يرى الدموع في
عيوني يمسكها قبل سقوطها على الوجنتين .


الا يستحق الاهتمام به


عندما يبدر مني خطاء ما بكلمة ما او فعل ما يصمت قليلا وبعدها يبتسم ويقول سامحني
ان بدر شيئا مني جعلك تتعصب وتتصرف بما ليس من طبيعتك ولم يبادر برد الخطاء بالخطاء


الا يستحق الاهتمام به



عندما تكون الظروف قاسية ويهجرك القريب والصديق وتكون في محيط منعزل بصورة تامة
يخفق قلبه عليك ويدافع عنك لآخر لحطة ولأخر رمق ويقول وبكل وضوح ويعلن موقفه بشكل
علني على الرغم من جميع المخاطر المحدقة به نتيجة هذا القرار .


الا يستحق ان نهتم به

مخرج

من كان لديه هكذا شخص سيعيش عيشة الملوك وان كانت حياته بسيطة جدا
نصيحة للجميع

اهتم بمن يهتم بك ولا تركنه في خانة النسيان وعلى رفوف الانتظار
لان الانتظار وعدم الاهتمام بالمقابل سيجعلك تندم في يوما ما


بقلمي

مجيد السيد

امي الدوة للجرح

امي الدوه للجرح
وللزاد امي الملح
امي بظلامي ضوى
ومصباحها اجمل صبح
يابيدر محنة اوفة
ويفيض بسلال الفلح
لولامستني اجفوفهه
ينمحي اكبر جرح
ولو بوست اجدامهه
اغلى وسام انمنح
امي كلشي صارت النه
ايد وروح وجنح
امي ضحت من اجلنه
بهذا زمنه الوكح
امي باعت نص عمرهه
وشترت النه الفرح
ينمسح كلشي بعمرنه
وطيبج ابد ما ينمسح
ياحاملة اجمل صفات
غيرة ومحنة وصفح
بلشدة ماتغفى وتنام
والام بلشدائد تتضح
هيه جنة بلا حساب
ويا عظيمة بلا مدح
امي كلشي صارت النه
ايد وروح وجنح
تقبلوا تحياتي
بقلمي
مجيد السيد

ابيا عقيدة الشرف ينباع
وبيا زمان الهور
يتنكر المايه
وبيا شريعة الابن
يتقدم اعلى الابو
وحجايته حجايه
وبيا زمان اللحن
يتكبر اعلى الشعر
ويغار من نايه
شفنة حقيقة مو حلم
تتذابح اطفال وزلم
علشدة الرايه
وشفنة رجال تخنثت
ماعدهة بس كال وكلت
وللنار شرايه
وشفنة رجال تفوت
بنص الرصاص وماتموت
وتموت بحجايه
وشفنة يتامى الناس ربتهه
واليتيم بعين من رباه
يصير سلايه
وشفنة يامة ناس
تعتدي اعلى الجار
وهية النوب شجايه
وشفنة وشفنة
والله يعلم بعد شنشوف
شفنة بلاوي هوايه
يازمان الحزن
لمتة ظلامك ينتهي
وتضوي الولايه
وياشهيد القدس
الجنة صارت الك
هنيالك بهايه
وذولة حكام العرب
لوثوا اسم العرب
بلحجي رمايه
متهمهم ارض القدس
وصاروا عبد للاجنبي
والكرسي هو الغايه
بقلمي
مجيد السيد

الوافي معجب بهذا